Ungkup kitai ti baru tauka tebalan ngena perengka komputer enda ngira desktop, laptop, notebook tauka netbook, selalu ia kitai mudah amat nyimpan tauka "Save" kerja, fail enggau data kitai ba "My Documents" tauka ba "Desktop".
Nemu kita bala kaban, semua barang ti disave tauka disimpan kita tu sebenar ia ba Local Disk C. Ia begulai tempat enggau "Operating Systems(OS)" ti dikena kita baka Windows 7, Windows 8 tauka Windows 10.
Nyadi senentang tu, bisi endar penanggul enti sema sistem komputer kita bisi masalah, baka kena virus tauka sistem enda ulih start tauka dibuka. Enti sema kita nyuruh orang format komputer kita ketegal bisi masalah baka ti dipadahka aku tadi lalu ia enda bisi ngembuan "Software Windows Live" kena muka lalu mindahka data kita, reti nya semua dokumen, fail enggau data kita ka lenyau abis.
Nyadi siti cara mudah kena "Backup" data, fail enggau dokumen kita ianya engkah tauka "copy" ba Local Disk D. Nya pen enti Partation Hard disk kita bisi dua iti tauka lebih. Nyadi ba aku empu,enti sema kita bisi kala nganjung komputer ke aku, maya format aku sigi ngaga dua partation awakka bala ulih engkah backup fail dalam nya. Pia mega diingatka nuju bala, arapka rajin serta selalu backup fail kita ba bukai baka ba pendrive tauka external hard disk bukai.
Nyadi kebuah pia laban enti sistem komputer kita bisi penanggul lalu perlu diformat, ia ti diformat kitai ulih madah ka orang ti ngaduka komputer kita semina format Local Disk C aja, anang Local Disk D. Nyadi taja pen dah diformat tang data kita ti dibackup dalam Local Disk D agi mengkang laban ti diformat semina ba Local Disk C aja.
***Arapka Penerang tu ulih mantu bala kaban semua***
Terima Kasih
-Aya Kemayang Panas-
Tiada ulasan:
Catat Ulasan