Dalam tempoh PKP COVID-19 tu mayuh kitai ke nukar cara ngena mayuh macam aplikasi digital kena belajar, ngajar anak tauka kena urusan bukai. Maya PKP tu mega mayuh endar ancaman siber ko orang ngachau kitai baka ke dikena sida 'Scammer".
Baka ke ditulis aku pasal isu Zoom suba, siti-siti app semina ngundan ribuan kod ke tau disadang ia tededah enggau mayuh macam ancaman pengodaman ko jaku orang.
Pengawa ke ngodam sistem laman web ke tetentu serta dipilih selalu endar nyadi didinga kitai. Data-data ke diulib sida dijual ba pasaran gelap pasaran gelap tauka disebut ‘data breaches‘. Setakat ke diatu dijangka lebih 9 billion akaun udah bocor ditemu.
Enda ngawa enti semina sema ke bocor nya semina User ID baka Emel Address enggau User Name aja. Amai ke tau mai penanggul besai nyadi, ianya enti Emel Address enggau Password kitai ditemu sida sekali.
Kena kitai ngecek sekalika data kitai kala diceroboh dipeda, kitai tau ngecek ia ba siti aplikasi laman web enggau chara naip serta masukka Emel kitai. Dalam tu kitai ulih meda mayuh akaun ke udah dijual ba pasaran gelap ko orang.
Antara sekeda data ke bisi bocor ari sekeda platform ianya ngodam sistem Adobe, LinkedIn. Edmodo, Bitly enggau beberapa iti aplikasi ke popular ko orang ianya baka Canva enggau Admodo, laban enti kitai bisi kena ia akan madah kemaya orang kala masuk serta ngujika masukka Emel ngena User ID tauka Password kitai.
Enti akaun kitai udah ke dicheck bisi kena, anang enda kitai nukar semua Password kitai enti kitai ngena Emel tauka User ID ke sama baka ba Facebook/Mua Bup, Google enggau laman web bukai enti kitai semina ngena siti akaun ke sama.
Nyadi nuju semua kitai, enti sema kitai meda bisi data kitai bisi bocor tauka digelar orang ngena leka jaku teknologi IT ianya ‘pwned’ tu, jampat meh kitai betindak ko orang. Tukar Password ke penting. Ngena aplikasi ke ka dipadahka aku ditu lagi kitai ulih meda Akaun Emel kitai kena 'PWNED' ke enda. Ia akan madah akaun kitai bisi kena tauka enda, lalu dipadah ba platform dini serta kemaya akaun kitai kena. Anang mengelabah au enti bisi kena setakat Emel Address aja, Password kitai aja ka dijaga. Dia kita meda bisi kena lalu jampat tukar Password kita enggai ke nama-nama nyadi.
Password ke selamat mestika lebih 8 ke 12 iti, lalu ngundan urup mit tauka besai, lumur enggau simbol. Contoh ia password ke ngundan ke dipadahka aku ba atas tadi ianya: AmNGunji1234&@
Aplikasi Website ke tau dikena kita ngecek sekalika akaun kitai bisi kena ianya tau klik ba baruh tu;
Terima Kasih.
