"SELAMAT DATANG KE BLOG INI. GUNAKANLAH IANYA UNTUK TUJUAN BERKONGSI PENGETAHUAN MEMBINA DAN POSITIF. ADALAH TIDAK DIBENARKAN SAMA SEKALI MENGGUNAKAN BLOG INI UNTUK TUJUAN MENGKRITIK DAN MENFITNAH MANA-MANA PIHAK SERTA MENYEBARKAN BERITA PALSU ATAU YANG BOLEH MENGAIBKAN DAN MEMALUKAN PIHAK-PIHAK TERTENTU. BEGITU JUGA PERKARA-PERKARA YANG BERKAITAN DENGAN ISU-ISU POLITIK TIDAK DIBENARKAN SAMA SEKALI DIBINCANGKAN DALAM BLOG INI."

15 Januari 2011

JAKO PEMUKA 2011 ARI AKU....

Selamat Taun Baru 2011 ngagai semua pemacha semua. Nyadi aku arapka taun baru tu kitai ulih bulih berkat ti manah sereta pengerai ti meruan lebih agi ari taun 2010 tu tadi. Nyadi minta ampun ngagai pemacha semua laban aku lama enda update isi berita dalam blogs aku tu. Ukai enda ingat tang kelalu mayuh pengawa ti ka diaduka aku baka ujong taun tu tadi baka kiruh ba pengawa di sekula sereta pengawa ba menua din baka besikapka menyadi indu aku ti ka kawin. Nyadi minta ampun sekali agi. Ke sekali tu aku bisi nambahka 5 berita kena ngengkahka taun 2011 tu. Nyadi enti sema kita ka bekongsi berita ti manah tau ga emel ngagai aku baka kr taun tu, kelebih agi baka berita pasal komputer. Kena ngelansa baka ka taun tu sekali agi aku ngulang pasal siti hal ti selalu nyadi ba pendrive kitai. Aku bisi nulis ba dua iti artikel pasal chara kena muka fail ti kena Hidden udah lepas discan. Tapi mayuh kita madah enda nemu ngena charanya. Nyadi sekali tu aku madah siti software ti ulih kena kita muka fail ti kena hidden nya udah lepas discan. Software tu dikumbai "USB Show". Iya dikena muka sereta ngayanka fail kita ti kena hidden nya. Iya ulih didownload free ba internet. Taipka nama software tadi ba search engine google, yahoo tauka iya ti bukai. Ngena chara tu mega jauh nyamai agi. Selamat Mencuba.

Baka ka pun taun tu mega bisi sekeda berita ti enda manah didinga aku, kelebih agi kenaka 7.01.2011 tu tadi tanah Uncle aku ianya Niang Umpie Blasan, ianya siko Guru Besar ba SK Batu Genting, Betong udah nadai laban ti mati eksiden ba Simpang Undop. Pia mega sari sebedaunya, kami bala pengajar ba Sri Aman balat bendar tekenyit sereta sinu ati laban Tuan PPD kami ianya Niang Cikgu Walter Lamat, udah nadai maya Jogging ba Kuching. Nyadi ba tu aku ngarika kami sebilik enggau bala pengajar bukai meri salam penyinu ati ngagai bala ti rabat tu. Arapka kitai semua ulih nerima semua tu enggau tabah ati laban petara lebih sayau agi ka seduai....

Nya aja ari aku, arapka udah tu ila aku ulih mantaika berita bukai ari aku....

SELAMAT TINGGAL SMK MELUGU....

Pada tahun lalu sekolah kami telah mengadakan sedikit jamuan perpisahan kepada 7 orang guru yang akan berpindah ke sekolah lain mulai tahun 2011. Di antara mereka ialah Cikgu Musa Tuah yang berpindah ke SMK Sri Aman, Cikgu Tok Hoon Seng yang berpindah ke SMK Simanggang, Cikgu Ahmad Shahir dan isteri iaitu Cikgu Siti Salwa yang berpindah ke SMK Siburan, Pn. Malissa Catriona yang berpindah ke SMK Gedong, Pn. Nancy Ftankie yang berpindah ke SMK Tebekang dan Cik Hoo Siew Siew yang berpindah ke tempat asalnya iaitu Pulau Pinang.

Di sini kami warga sekolah mengucapkan ribuan terima kasih sekali lagi di atas sumbangan besar yang telah dicurahkan oleh rakan guru semua terutama sekali atas jasa yang tidak pernah mengenal penat lelah mendidik anak bangsa kita. Terima Kasih....

Sepatah dua kata dari Cikgu Tok Hoon Seng yang berpindah ke SMK Simanggang

Cikgu Musa Tuah yang berpindah ke SMK Sri Aman sedang menerima cenderamata dari Tuan Pengetua.

NEMUAI NGAGAI BALA DI TINTING TUBA, SIMUNJAN.

Kena ka 09.10.2010 enggau 23.12.2010 tu tadi kami sebilik mega bisi nemuai ngagai bala tanah apai, indai enggau bala petungal aku ba Tinting Tuba, Simunjan. Nyadi kami tu lama enda betemu kelebih agi ka ngabas Ini aku ti lama enda kala dipeda. Maya tu tadi mega menyadi aku ti kereja di Semenanjung din bisi mega enggau kin sereta sida sebilik. Maya tu tadi mega, aku berasai andal ati laban bala petungal aku ti kerja di Bintulu sereta di tempat bukai bisi datai magang. Nyau penuh bilik enti datai magang. Terima kasih ngagai Aba Pengulu Asai enggau Mak Bija ti udah ngintu kami. Nyadi Mak bija ianya menyadi Indai aku empu. Bisi ga pengerami digaga kami maya ti kin tu tadi laban bisi ga bala bukai datai din, baka sida Uncle Solomon ti bisi datai ari Kuching. Pia meh cuti ti ka datai tu ila, kitai begulai baru ga.... Agi ka ga begulai. Tapi nadai ko enggau laban ari nyau suntuk.

Sekeda bala kami sebala ti bisi begambar maya tu tadi.

Petungal aku Selamat benung nganti ai ti disadung ka orang....

Sekeda ari bala ti bisi ngintu pengerami ba Dewan sida din maya nya.

PENGAWA MAKAI MALAM SK. SELANJAN 2010

Kena ka 23.10.2010 tu tadi mega rombongan bala staf enggau pengajar ari sekula kami bisi ngulu pengerami Makai Malam ti diatur ulih sekula SK. Selanjan, Pantu din. Pengawa tu tadi mega diulu oleh YB ba urung menua nya empu ianya YB. Mong anak Dagang. Mayuh ga mensia maya nya ari rumah panjai, bala pengajar, pemesai perintah bukai pia mega ia ti ari kompeni. Baka biasa kelimpah ari beri YB sekula tu mega bulih ari pengawa bukai baka ba lagu sponsor ti bisi diatur. Ba pengawa tu mega tudah PPD Sri Aman bisi ngulu pengawa tu ianya Niang Cikgu Walter Lamat. Kami ari SMK Melugu bisi diari ka aku empu, Cikgu Johnny, Cikgu Lawrance, Cikgu Hasti, Cikgu Larry sereta Cikgu Jubin. Bendar ga bala kaban ngansarka kaki maya nya...

Aku, Cikgu Johnny enggau Cikgu Lawrance baru udah ngelanggak one go.....


Cikgu Hasti tengah baru ka nguji ngelanggak segelas sekali..... Lalu bedau mirah mua ko iya....

YB. Mong anak Dagang tengah berandau sereta duduk enggau bala kami maya malam nya.....

PENGERAMI MAKAI MALAM PIBG SMK MELUGU

Kena ka 30.10.2010 tu tadi sekula kami bisi ngintu pengerami Makai Malam PIBG SMK Melugu 2010. Pengawa tu tadi di gaga ba siti stadium ti bisi ba Bandar Sri Aman ditu. Pengawa tu dipenyadi ulih YB. Mong anak Dagang. Pia mega pengawa tu tadi diulu mega tudah Niang PPD Sri Aman suba ianya Niang Cikgu Walter Lamat.

Tuju Pengerami tu ianya kena ngumpul dana PIBG sekula, dikena bejalaika semua pengawa PIBG ba taun 2011. Ba pengawa tu tadi YB bisi nulong sekula pia mega bisi sekeda ulih ba pengawa lagu sponsor ti bisi diatur.

Ba baruh tu sekeda ari gambar ti bisi diambi maya nya;

Cikgu Johnny enggau Cikgu Hasti tengah nganti pemakai ti dianjung

Mr. Larry tengah berandau enggau siko staf indu dara ari SK Selanjan, bintis kaban.....