Ba kandang timpoh Atur Mindah Betagang diatu, mayuh kitai ke bekena ke talipon bincing/handphone kitai kena bepeda ke mayuh macam berita serta utai ke kena bala anak belajar ari Facebook, Whatsapp, Telegram lalu deka print ia. Amai mayuh kitai nyau kiruh bekena ke komputer tauka laptop. Enyau ngenusah ga chara tu laban masau jam bepindahka fail tauka utai ke ka diguna kitai.
Bisi cara ke dikena kitai ulih print terus utai ke dikena kitai ari handphone ke printer. Ia lebih jampat lalu ngenyamaika kerja kitai. Sambung aja handphone ke printer, kitai lalu ulih print. Enda ibuh bebuka serta beambi bebuka ka komputer tauka laptop. Chara tu ulih dikena printer ke semina begunaka cable aja. Enti sema kita bisi printer ke ulih ngena Wireless, nya nyamai agi laban ia enda ibuh beguna ka cable.
Enti sema kita bisi dokumen tauka gambar ti ka diprint kita dalam handphone teruska printer ke ngena cable, kita tau ngena chara-chara ba baruh tu;
Langkah 1:
Terubah ia kita download aplikasi NokoPrint atau PrinterShare ke dalam handphone ti bisi disediaka ba Play Store tauka IOS App Store. Udahnya lalu install kita ke dalam hanphone kita.
Langkah 2 :
Sediaka OTG Cable baka gambar ba baruh tu. Enti nadai, kita tau meli ba kedai talipon tauka ba kedai nyual keresa komputer. Rega ia enda ga mar, asai ke enda datai bebelas ringgit laban cable tu pandak aja.
Langkah 3 :
Sambungka handphone enggau printer ngena OTG Cable, lalu anang enda ingat sambung mega USB cable kita ke dalam OTG Cable tadi.
Langkah 4 :
Buka kita aplikasi NokoPrint tauka PrinterShare ke bisi dalam handphone ke udah didownload serta diinstall kita tadi.
Langkah 5 :
Pilih nama printer ke ka dikena kita print. Udahnya lalu connect.
Langkah 6 :
Udahnya titihka langkah ke dipadahka dia kena kita print terus ari handphone ke printer enda ibuh kitai kiruh bebuka ke komputer tauka laptop.
*Cable OTG tu mega ulih kena kitai connect pendrive tauka external drive ke handphone.
TERIMA KASIH
