CHARA KENA MUKA FAIL LENYAU TAUKA KENA HIDDEN DALAM PENDRIVE.

Ucap selamat ngagai semua pemacha semua. Ke sekali tu aku deka chara mudah kena kita backup tauka meda baru fail kita dalam Pendrive ti bisi lenyau tauka kena hidden laban fungsi Super Hidden Virus dalam format .EXE tauka kena Shortcuts. Ba artikel ti dulu suba bisi aku madahka chara kena kita muka iya, tang ngagai ti baru kena penanggul tu tauka baru ngena komputer tebal agi sida enda nemu ngena charanya.

Nyadi ke sekali tu kita enda ibuh ngena notepad kena kita naip text lalu save ia ngena arahan files, kita semina perlu download aja software USB Show ari internet laban ia free version sereta ulih kena kita, penguntong ia ti manah fail kita ti penting sereta beguna ulih selamat ka kita. Ngagai bala kaban cikgu, polis tauka bala nembiak ti selalu kena penusah ti bansa tu, anang irau ati agi meh bala kaban.

Dibaruh tu lagi aku deka madahka ngagai bala kita chara ngena USB Show software tu. Mula sekali download dulu kita software tu ba adress tu:

http://www.brothersoft.com/usb-show-282161.html

Udah lepas kita embih download buka software tu, kita meda interface tu ayan;

1. Klik English kena kita nukar bahasa iya

2. Udahnya kita ka meda interface ba baruh tu. Udah lepasnya klik ba Recovery the hide files

3. Udah kita klik ba Recovery the hide files pansut interface ba baruh tu;4. Udah pansut, klik ba My Computer, pilih dini alah drive ti dikena Pendrive kita chunto ia baka di atas aku klik DATA FILES (D:). Enti pendrive kita ngena drive (E), (F), (G) tauka bukai klik dia mega. Klik Ok.

5. Udah lepas software tu recovery files kita iya mansutka interface dibaruh tu,

6. Klik Ok. Udah lepasnya kita tau close program tu. Udah lepasnya klik sereta buka pendrive kita. Kita deka meda fail sereta dokumen penting kita bisi ayan sereta dalam nya baru

* Senang sereta mudah kan !!!!!!. Selamat nguji Geng !!!!!*

CONGRATULATION ENGGAU JAKO TANGKAN NGAGAI BALA SEMUA......

Ok, ke diatu aku deka meri ucap selamat maju jaya ngagai bala ex-student online aku ti udah ngembihka pelajar sida ba bidang IT ari mayuh bengkah universiti di Malaysia tu ba taun tu tadi (2010). Kelebih agi ngagai bansa kita iban enggau dayak bukai ari Miri, Bintulu, Kuching, Serian, Kota Semarahan, Betong sereta Sri Aman tu empu. Enda ngira kita maya ba Universiti kelia ngena chara full time tauka off campus, tahniah semua.

Kelebih angi ngagai Lila Gik,Mark, Edward, Mike. Evelyn, Antoi, Inut, Lucy, Magdeline, Bricky, Tom, Jonhnny, Nancy sereta iya ke bukai ti enda ulih sebut ditu. Aku berasai besai ati laban kita ulih bulih excellent result ba your exam and your thesis. Manah !!!!, idup IBAN!!!!.

Ngagai sida tu aku ukai ngaga ke sida kerja sida, anang salah faham, tang aku ngena secara online bebincang sereta meri panduan (guideline) ngagai sida chara belajar, nyaut assignment sereta chara nyaut question dalam peresa, kelebih agi iya ti penting bantuan chara nyelesaikan thesis bekait enggau computer programming. Bisi sekeda temegah ati ka nambahka agi bayar, enda ibuh meh bala menyadi kaban semua laban umbas meh naka tulong aku ngelama tu. Pengaya pemeskin mensia ukai ba reta tengkira, tang dalam ati. Janji kerja lurus anang nipu orang sereta arapka petara udah chukop bagi aku. Kadang-kadang orang meda kitai ngena mayuh macham persepsi. Meda kita ngena utai sengapa, kumbai orang enchadi. Bisi meda kita kelalu begaya kumbai orang sumbong. Enti kita kelalu ngias diri sereta begaya kumbai orang ka masang ambai lalai. Sigi gaya ia meh nya. Janji nitihka dipadahka aku tadi ba aku empu prinsip aku "Biar aja muka sereta stail sepuloh sen, janji pengerai, penyenang ati sereta ruang bilik likun sereta chukop pemakai". Bisi ga enggai alah laban pemansang dunya sida ngena prinsip " Biar mati accident, anang mati action/aksen". Peda kuchik sida kaban kerus-kerus baka kitai ga sida, sempama jako cubit pa kiba pedis ga pa kanan. Perati ke meh maya kitai parai ditumbak ka orang jemah sama mesai nya ga tanah endur kitai, nadai ga bisi space ngagai reta kitai....

Aku bejako beketu laban maya ti chatting bisi ga sekeda bala kita ti sinu madah ngagai aku pasal perkara ti baka tu bisi nuntong kita kelebih agi sida ti baruka ngangkatka diri asal ari rumah panjai baka aku empu. Sigi rindu be-ajar pangan diri meh kaban sereta bala menyadi, taja kitai sama tuai tauka biak, tang pikir runding ti betul enda ngira umor. Sinu ga aku ninga sebana bala kita, laban ngasaika aku empu, mayuh utai ti dikorbanka laban deka nampung pelajar baru. Ba aku empu anang irau meh. Dunya tu bepusin, enti diatu kitai dibaruh, jemah bisi maya kitai di atas. Siti ti aku pesan anang lupa daratan ko jako kaban kitai. Mayuh ga cerita ti ngajar kitai tang laban ti munyi ko orang, manuk ka bepurih. Bisi sekeda ulah maya nembiak, maya bujang baka "Father" ko jako kitai, tang udah bekereja, beduit, sereta udah bebini belaki, beranak bebali angin perangai sida nyadi "Gorila". Mayuh bekenya kaban laki enggau bini bemain ka pangan diri. Ingat meh, enti umor udah tuai nadai lama da peluang diberi petara enggau kitai nyepi penyamai. Ujong ia ila munyi ko leka lagu Christoper Kely..." Nuan ka ngiga lebih nyau kena kerak asi, maya nuan agi biak nadai orang enda rindu, tang ila nuan tuai nya baru nuan nemu"

Ngagai bala ti bujang dara sigi adat bekelala keno ko orang, ngagai ti udah belaki bebini ngacha diri ketegal ngasuh laki sereta bini rindu ka kita meh.. "Ke bujang anang salah pegai..., iya ti udah nyadi indai anag salah semerai....,ti dara anang salah kelala...., ti udah nyadi apai anang salah tubai...". Reverse meh wai laban ulih asai aku, baka kereta bisi lampu reverse di belakang enti ngasai chelum dipeda. Taja pen kereta lama baka aku empu, enti di isi minyak cukup maintain bejalai meh iya taja pen begadai..

Terima kasih ngagai semua kita, sereta ngagai bala student ti ngambi bidang Computer Programming, bisi sekeda udah bisi offer ngaga software system enggau bayar beribu-ribu. Manahnya, aku empu pen bangga ga. Baka aku empu nadai tentu ari ngaga utai tu laban kiruh ba kerja aku empu. Enti sema kita beguna ka pandangan aku tau ga emel aku. Anang irau titihka aja proposol kita maya ba Universiti suba. Ka enda tentu ngemediska pala kita manah gi ngena Visual Basic, Access, Excell sereta format report bukai baka My SQL. Pengujong iya aku sereta kami sebilik minta ampun ngagai bala kita semua engka maya ti berandau sereta online disscusion aku bisi lubah mimit sereta lama maya kita bebincang. Kelanjur jako sereta kelanjur tundi, ukai sengaja wai, tundi ti mayuh…..

Ngagai bala ti bukai ngagai ka diatu aku pun taun tu belega mimit dulu ngaduka online study disscusion tu laban kelalu mayuh pengawa ti dikereja, taja pen mayuh bala nembiak tauka iya ti benung kereja minta aku neruska iya, minta ampun geng. Enti bisi maya aku muka baru, aku madah ila.

Ok Guy…..Good job and Good Luck !!!!, TQ.

"BEJALAI BEPANGGAUKA PENGINGAT, TINDUK BEPANGGALKA ADAT"

PENGINDAT ENGGAU BALA KABAN BAND BOYS MPS...

Ba berita ke sekali tu, aku ka bekenang ka cherita maya aku agi training ngajar ba Maktab Perguruan Sarawak Miri suba. Pengingat aku, maya kira ke Semester 3 kelia, aku udah nyadi siko ari Exco MGP ba maktab tu. Pengawa ti dipegai aku ianya Pengerusi Biro Sosial. Dalam megai pengawa tu mega siti ari bidang ti dipegai aku ianya nguruska semua persembahan kelebih agi bekait enggau bala bakal cikgu ti giat bemain muzik. Nama agi deh laban pengawa tu diminat maya ti agi sekula kelia, andal meh deh.

Ba maktab kelia, tudah aku aktif bemain band enggau bala bukai maya nya. Ia ti ngerinduka ati maya nya, setiap kali bisi majlis konvokesyen bisi aja bala kami bemain band ba hotel kena merindang bala pengajar ti abis trainning, kelebih agi ba Mega Hotel maya nya. Maya nya aku selalu bemain Rythm Gitar lalu bisi mega nebah nyawa belagu merindang orang. Udah abis maktab lalu maya agi bujang kelia aku selalu agi bemain drum sereta belagu mimit kelebih agi maya orang kawin. Ba maktab kelia mayuh bala pengajar ti minat ba pengawa ti baka tu. Siko pengajar ti udah mujur ba pengawa belagu tu udah ti lepas abis ari maktab MPS enggau kami kelia ianya kaban kami, Cikgu Lembat tauka nama glamour iya diatu ianya Embat La La. Kelia kami selalu bemain muzik ka kaban kami tu laban iya sigi minat belagu sereta betebahka muzik. Enti lebuh lemai ari tau tutup pending, laban bilik kami semina takah siti maya nya. Tahniah Embat laban udah mujur sereta ulih bisi kompeni ka diri empu. Baka aku empu udah nyau abis mood diatu, udah ti bisi beruang bilik enggau pengawa ti mayuh lalu nadai aktif enggau pengawa tu agi. Mina main gitar kapuk dalam bilik tinduk aja...kah...kah.... Kati gaya bala geng bukai, agi nyadi band boys kita????, Dison, Christoper, Samuel, Elvis enggau geng bukai.

Sekeda ari pengingat kami ti bisi bemain band ba Mega Hotel Miri suba. Cikgu Embat La La bisi belagu maya tu, lagu joget dibai iya. Betul Embat????. Maya tu mega agi ingat aku bisi belagu "Kau Ilhamku" enggau bepadu suara enggau Ramona Usop mai lagu "Baka Duku enggau Sarung"

NAMA TI DIKUMBAI VIRUS KOMPUTER ?

Nama ti dikumbai Virus komputer?. Virus komputer ulih ngerusak komputer ngena chara ngapuska software sereta ngachau operating system komputer. Virus tu baka sakit kitai mensia sereta senang bejangkit sereta ngerusakka fail kitai dalam komputer. Selalu ia virus komputer tu digaga dalam Bahasa Komputer baka ngena Bahasa Komputer baka C sereta C++ sereta Bahasa Penghimpun bukai. Computer Language tu siti ari tikala kami kena maya ti belajar Programming ba Universiti suba.

Diatu ngagai sekeda orang, virus komputer ulih digaga secara automatik ngena sekeda software ti dikumbai Enjin Virus, baka SMEG ti ulih ngaga function.EXE, .COM sereta .INI ti ngerusak ka software system. Diatu 3 iti format virus ti di atas tadi selalu dikena laban hampir semua software ngena jenis fail tu magang. Diatu mayuh jenis virus komputer, ambika chunto baka Virus fail TSR,ukai TSR, Virus Penukar, Virus Pelbagai Jangkit sereta jenis bukai. Chara iya bejangkit sereta ngachau mega nitih ka format ti gaga. Tapi pengerusak iya tetap sama ngagai fail dalam komputer kitai sereta mayuh fail ti udah kena jangkit rusak.

Kati kitai ka ngelaika komputer kitai kena jangkit komputer?. Komputer kitai enti nadai ngena Anti Virus sigi 100 % udah bisi virus dalam ia.Ukai setakat bisi Anti virus tang iya mestika diupdate sereta discan belama. Ambika banding baka penyakit kitai mensia, enti nasib kena demam biasa pama meh laban ulih makai panadol aja. Tapi enti penyakit mit dilak ka aja nadai diubat, ia ulih betambah teruk sereta tau ngujong mai nyawa. Bekenya konsep virus komputer tu, enti fungsi iya mit enti dikukun mayuh sereta nadai discan, bisi maya ila komputer kita tiba-tiba ngenyit KONG….. Kala kita ngasaika maya nyalin fail dalam harddisk komputer kita berenti,bebunyi sereta nadai ulih Boot baru?. Kala kita meda fail kita lenyau dalam dalam hard disk tauka pendrive?. Nya siti tanda nunjuk ka komputer kita udah kena virus. Nya baru tanda mimit, bisi maya iya ila iya baka BOM… komputer kita tiba-tiba berenti befungsi…. Aduh abislah !!!!. Ok, ba rengat ke sekali tu aku mantaika nama ti dikumbai orang virus sereta tanda kena ngelai ka ia dalam komputer kitai. Ba rengatka bukai ila aku ka nulis ditu pasal chara virus tu bejangkit sereta chara kena encegah iya. Terima Kasih.

PENGAWA MERI PERAIS NGAGAI NEMBIAK

Kena ka 24.02.tu tadi sekula kami bisi ngintu pengawa Meri Anugerah sereta Perais ngagai bala nembiak Form 1, 2 enggau 4 ti mujor dalam pelajar sida ba taun siti nyin kemari. Pengawa tu tadi diulu YB Mong Dagang ti bisi diundang datai meri perais ngagai bala nembiak kami di SMK Melugu ditu. Sekeda ari bala pemesai ti bisi datai mega ianya En. Kwang Law wakil PPD Sri Aman, En. Riji Gu, YDP PIBG, wakili ari sekula bukai sereta bala apai indai nembiak ti bisi dikangau ke lebuh maya tu tadi. Mayuh ga ketegori perais ti diberika ngagai bala nembiak mayau tu tadi sekali ke sida bisi bulih pemutus ti manah ba pelajar sereta pekit bukai maya ti ngari ka sekula, bahagian enggau negeri.

Sekeda bala nembiak sekula ti bisi ngajat nyambut penatai YB. Mong.

YB. Mong Dagang benung betabi jari enggau bala pengajar.

Sekeda bala pengajar ti benung bebaris nganti penatai bala VIP maya nya.

Pengerami Juntoi di Sri Aman.

Kena ka 17.02.2011 tu tadi kami sebilik bisi nurun ke pasar Sri Aman enggau bala mensia mayuh ngulu pengerami Chap Goh Mei tauka selalu dikumbai kami ditu Juntoi. Ba taun tadi pengawa tu jauh rami bebanding ari taun siti nyin kemari laban iya diintu lebih lama agi ari taun siti nyin kemari ditambah bisi mayuh orang bejual seminggu sebedau tu tadi. Ba pengawa tu tadi aku medan mayuh raban mensia datai ngulu pengerami tu nyengkaum iya ti datai ari genturung menua bukai baka Kuching, Betong, Serian sereta ari tempat bukai. Ba malam tu tadi mayuh kereta ti udah diiyas orang bebaris ba jalai. Pia mega ba ujung pengawa tu tadi baka taun ti bukai sida bemain bunga api. Ba runding aku manah ga pengawa tu digaga ba Pasar Sri Aman kena nambahka pemansang sereta penatai pemisi bala ba Sri Aman ditu. Di baruh tu sekeda ari gambar ti bisi diambi aku.

Pekit Sukan Tahunan Antara Rumah SMK Melugu 2011

Kena ka 14 - 19.2.2011 tu tadi sekula kami ba SMK Melugu bisi ngaduka pengawa Kejohanan Padang dan Balapan ke-41 ba sekula kami empu. Dalam pekit tu tadi bisi 6 iti rumah sukan bisi enggau ianya Rumah Perdana, Pesona, Exora, Wira, Waja enggau Arena. Pengawa tu diaduka kena milih nembiak ti deka ngarika sekula ba pekit ti ka dipetandingka ba peingkat antara sekula ba Daerah Sri Aman ti ka digaga kena ka bulan 3 tu ila. Ba pengerami tu tadi Rumah Perdana udah ulih nyadi Champion, lumor dua Rumah Pesona sereta lumor 3 ianya Rumah Arena.

Bala atlit Rumah Perdana tengah sedia ka bebaris maya tu tadi.

Cikgu Livis benong kiruh nyuruh nembiak sedia

Sekeda gambar nembiak belawa ti bisi diambi maya nya

MUAI / DISABLE AUTORUN.INF DALAM KOMPUTER.

Kitai kadang-kadang enda nemu setiap kali kitai masuk ka Pendrive tauka external hard disk selalu keluar fail ti bisi ngundan fungsi Autorun.inf. Bisi sekeda anti virus selalu nayangka madah failnya ngundan virus. Siti chara manah anang muka ari pop-up ti keluar maya kita masuk ka Pendrive kita,tekan butang X tauka cancel aja Autorun nya takut ka ia bisi virus. Manah gi Scan dulu pendrive kita sebedau dibuka. Cadang aku udah scan buka aja fail kita ari My Computer. Kadang-kadang kita enda teperasanka utai tu. Bisi ga siti chara awak ka Autorun tu enda automatik keluar. Uji kita nitih ka chara di baruh tu;

1. Klik kita Start→All Programs→Accessories→Klik Notepad.

2. Taip text fail tu dalam Notepad tadi;

[HKEY_LOCAL_MACHINE\SOFTWARE\Microsoft\Windows NT\CurrentVersion\IniFileMapping\Autorun.inf]
@="@SYS:DoesNotExist"

3. Udah lepas naib text tadi simpan fail tadi ngena jenis .reg file. Contoh nama fail ia BuaiAutorun.reg, Save Files as Type tukar ngagai All Files.

4. Save / Simpan fail tadi ba tempat tauka drive ti enggai kita nyuruh Autorun.inf nya tadi ayan, ambi ka chunto Save dalam pendrive kita. Udah simpan Double click fail nya tadi.

5. Kita ka meda siti mesej box ti nanya kita sekali ka kita ka nambak ka data dalam Registry. Klik Yes kena kita ngubah ia.

PECAYA KA ENDA !!!!!!!, PENGINGAT KELIA 1981 - 1996

Ucap selamat ngagai bala ti bisi macha cerita ke sekali tu. Ba renggat tu aku bisi mantai ka berita kena kitai sebuat mulai ka pengingat maya kelia menya. Keterubah tu aku mantai ka enggau rimpih ari taun 1994 -1996 maya aku agi ba Maktab Perguruan Sarawak, Miri.

Di baruh tu ianya gambar aku enggau kami sebala maya siti pengawa Projek Anak Angkat ngagai Rh. Empading Batu Niah suba. Gambar tu tau diambi maya pengawa Ratu Gawai ba rumah panjainya. Nyadi sida diiyas bala apai indai angkat sida empu. Baka Cikgu Tony Jawa ti ngajar ba SMK Lubok Antu bisi dia, Cikgu Renai, Cikgu Benedict sereta bala bukai. Nama berita kita ke bukai kaban?. Asai aku mayuh bala kitai ti ditu udah nyambung belajar baru.

Gambar ti siti tu ianya nunjukka bala kami sekelas ianya Kursus PSM(PM-Geo) tengah ngaga Program TV Dokumentari pasal Alam Sekitar ba Taman Negara Lambir taun 2005 suba. Dokumentari TV kami tu digaga bala Production ari Negara Jepun, lalu iya ditayangka dalam pengelama setaun ba Tokyo, Jepun. Motif ia ianya pasal nyaga rampa menua ba menua kitai. Mayuh bala dia baka sida Cikgu Elvis, Jok Jau, Josephine, Isa Jemat, Kuar Rebi, Idrus Muhe,Raipah, Sopi, Pery Bunan, Riduan, Bida, Hong Mee Mee sereta aku empu ti tengah engkechit ari atas orang dia. Nama berita Geng.????
Tu ianya gambar kami sekelas maya Form six kelia ianya taun 1992 -93 ba SMK Simanggang. Nyadi tudah aku ianya bediri di belakang sekali, nombor 4 ari kanan. Agi kepih maya nya. Ba kami sekelas tu mayuh ti udah mujur dalam pengidup sereta bulih pengawa ti manah enda ngiranya kereja kompeni tauka perintah. Sekeda sida ianya baka Cikgu Rantai, Cikgu Kluton, Cikgu Theria, Cikgu Amoi, Cikgu Unjie, Cikgu Easter, Cikgu Lilian, ba pengawa bukai ti diingat aku baka Cif Inspektor Sunang enggau Ngumbang Suting ba polis. Minta ampun kaban enti nama enda disebut ditu laban kelalu mayuh. Guru Tingkatan kami suba ianya Richard, maya iya agi sandaran dia. Diatu iya udah nyadi SAO.
Tu ianya gambar kami Form 5 keliaianya taun 1991 ba SMK Melugu. Agi rock mimit maya nya laban mayuh geng rock kapak. Tudah aku bediri belakang sekali nombor 3 ari kiba, ti bisi betanda X. Ka ketawa kaban meda pendiau diri. Geng keras aku maya nya ianya Tuan ASP Alexson Naga(bediri nombor 2 sepiak kiba aku belakang sekali) enggau Tuan Cif Inspektor Sunang Rundu(bediri nombor 4 sepiak kanan aku belakang sekali). Pia mega Tuan Ujan Kiaw (bediri belakang sekali nombor 3 ari kanan). Tiga iko kaban aku tu sama tuan polis, nyadi aku nyadi Pengajar. Mayuh ga bala kami ditu ti ulih nyambung ngagai Form 6 maya nya. Tebal agi bala kami tu nyadi cikgu enggau polis. Paling manis agi bala aku Tuan Ujan enggau Dijah (duduk depan sekali nombor 1 ari kiba) udah jadi melaki bini . Tahniah kaban. Sekeda ari bala pengajar ti ngajar maya nya sampai ka enggau aku ngajar begulai enggau aku ka diatu ba SMK Melugu ditu ianya Cikgu Gindi Numpang enggau Cikgu Arit Jemat.
Dibaruh tu gambar aku Form 4 maya nya ianya taun 1990 ba SMK Melugu. Tudah aku bediri baris tengah nombor 4 ari kanan ti bisi tanda X. Kepih maya nya. Agi ingat aku Guru tingkatan kami ianya Cikgu Story.
Nya iya, tu gambar rock kapak amat tu. Gambar aku maya Form 1 taun 1987 ba SMK Melugu. Ka nemu iya ti bediri kanan sekali ngena lilit tali pinggang peluru nya aku nya. Agi cute maya nya. Beceremin mata baju mirah ianya Rentap, baju chelum betanchang pala ianya tudah Taim, beceremin mata baju bekengkang biru putih ianya Walker Gima. Sereta baju biru betanchang sapu tangan ba rekong ianya orang begaji besai bekereja ke tasik ianya Janggong Ganggan. Hidup Rock !!!!!!
Ka penudi sekali tu ianya gambar aku maya Primary 6 ba SRK Pantu maya nya taun 1986 maya kami melawat ngagai Kuching(Kompleks Dewan Undangan Negeri Sarawak). Gambar tudah aku ianya ba baruh sekali, tundok ngena baju kuning nyelepak orang ngimbai Rentap(baju chelum) nombor 4 ari kanan. Mit maya nya ari orang. Mayuh bala kami tu udah mujur dalam pengidup taja pen sekeda ari sida lalu nadai kala betemu udah ti abis sekula kelia.
Ok.... kaban nya meh sekeda gambar kitai kelia ti bisi disimpan aku ditu. Nasib amai aku nyimpan gambar tu taja pen sekeda udah bepuluh tau diambi suba. Gambar kelia mayuh aku nyimpan, negatif ia ko orang nadai temu agi kah.....kah.... Simpan aku meh tu kaban pengingat ngagai bala anak uchu jemah.....

Belanda Merentas Desa SMK Melugu 2011

Kena ka 22.01.2011 tu tadi sekula kami ba SMK Melugu dia bisi nganjurka pengawa Merentas Desa antara rumah sukan. Nyadi pengawa tu tadi bisi dibagi ngagai beberapa kategori ianya Lelaki indu 13, 14,15 enggau 18 taun ke baruh. Jalai ti dikena sida ianya ngelinggi jalai Melugu Skim lalu bisi ngagai jalai Po-Ai kin. Maya tu tadi iya ti ngelepaska bala nembiak ti bisi ngambi bagi ianya Pengetua kami empu ianya Tuan Haji Hossain Bin Fauzi sereta bala Penolong Kanan. Pengawa meri prais ngagai bala nembiak terus dijalaika maya nya mega. Ba pengawa tu tadi iya ti mayuh menang sigi endang atlit sekula tu empu.Bala nembiak Lelaki 18TKB benung sedia ka belanda....

Sekeda bala pengajar enggau bala nembiak ti nganti bala peserta datai ba garis penuntong..