SELEKA DUA ARI AKU........

Salam ngagau semua pemaca. Nyadi udah setaun lebih aku tauka kita begulai ba blog aku tu. Nyadi ke sekali tu aku meri besai terima kasih ngagai kita sebala, kitai sebuat laban ti udah meri sokong sereta buah runding ti beguna kena ngaduka blog aku tu. Sekali agi, aku madahka kitai semua, blog aku tu kena kitai berandau pasal berita ti sempat aku empu ambi, kelebih agi pasal cerita ti nyadi ba genturung menua tauka tempat alai aku gawa sereta begulai enggau batang kenang sereta tips pasal komputer sereta dunya pasal IT kemaya ari tu. Nyadi dalam blog aku tu enda tau sekali-kali kitai bejurai pasal pendiau sereta gaya idup orang ti tau ngasuh mai pemalu sereta penyai ngagai orang nya. Pia mega enda tau bejurai sereta bekenang pasal politik kemaya ari tu. Cukup meh wai kitai bekenang pasal utai ti manah sereta ulih buka mata kita kena nemaju sereta ngemansangka pendiau diri.

Dalam dunya IT sereta dalam bidang komputer, aku meri besai terima kasih ngagai kita semua ti udah bulih penemu mimit ari aku. Ngagai iya ti enda ulih betemu mua enggau aku, aku nemu kita mayuh emel sereta chatting enggau aku sekali ka ngena facebook tauka twitter. Iya ti ulih betemu, mayuh mega ti nanya sereta nganjung komputer ngagai aku empu. Nyadi ngena penemu ti mimit setakat tu aku udah ulih mantu bala kita sekalika betemu mua tauka ngena cara bukai. Terima kasih mayuh ka bala kita. Nyadi ngagai bala ti bedau nerima emel aku, minta ampun laban sekumbang ti cuti tu tadi aku diau di menua sereta lama enda online, pia mega aku nganjung secara beransur-ansur laban bisi sekeda bahan aku gigi dulu. Kediatu aku bisi nerima 1057 emel pasal komputer ari kita. Kelebih agi ari nembiak kitai iban ti benung belajar ba Universiti sereta bala iya ti kereja perintah. Terima kasih kaban......

Pia mega ba tu aku meri besai ngagai My Family laban ti udah sama betulung nulong aku buka tutup komputer, baka anak tuai aku Keith Maxskey Tegong (12 taun) sereta anak kedua Shannon Vanley Luli (9 taun). Pia mega ngagai my loving wife Thodesia Kaja, pengerindu tetap meruan sereta baka selama,pia anak biak aku ti nyau semakin gerai diatu Dylon Maxkray Bana ( 4 taun). Arapka petara terus meri pemujur dalam pengidup nuan anak.... Daddy tetap besampi nuan terus mujur dalam pengidup nuan.....

Ke pengujung tu sekali tu ba artikel komputer di baruhnya, aku bisi nulis 3 iti artikel kena kita ngaduka 3 iti masalah kediatu ti selalu nyadi masalah ba komputer kita maya diatu, tambah mega mayuh bala kita nanya aku pasal pekara tu. Nyadi enti dalam emel kita enda nerima balas, kita tau macha dalam artikel di baruh tu.... Nyadi ngagai kita ti bedau sereta ka macha cerita sereta artikel aku ia ti lama ba taun tu tauka ba taun 2009 suba, kita tau klik semua berita nya ba bagian artikel tauka informasi ti bisi tanda taun sereta nombor artikek ti bisi ba baruh profile aku.

Terima Kasih....

CARA KENA NGEMULAIKAN FAIL WORD, EXCEL TAUKA FAIL BUKA TI LENYAU / KENA HIDDEN

Diatu mayuh udah nyadi nitihka utai diasai aku empu tauka kita ianya fail kita ti ditaip ngena Microsoft Word lenyau tauka nadai dipeda agi udah bekau kita Scan komputer kita ngena program Antivirus sekalika dalam hard disk tauka pendrive kita. Kes beketu ukai tau semina nyadi ba fail word aja, tang tau mega nyadi ba fail ba format jeni bukai baka Mocrosot Excell. Nyadi kena selamat agi tauka kena nyelamatka fail kita manah agi kita nyimpan semua fail kita dalam Folder ti diRENAME kita nitihka peneka ati, awakka nyamai kitai ngiga fail-fail kita ti lenyau tauka kena Hidden.

Kebuah fail-fail tu lenyau ianya laban kena detect virus kuat ti ngena function Super Hidden ngagai fail kita. Anang irau, sebenar fail-fail kita nadai lenyau, cuma kena lalai ka aja. Bisi cara mudah kena meda tauka ngemulaika fail kitanya ianya;

• Kena software ti ulih extract tauka compress fail kita. Tapi kita mesti udah engkah fail-fail kita dalam folder baka WinZip tauka WinRar.
• Ngena fungsi taip fail dalam NotePad
• Ngena fungsi ba Command Prompt

a). Ngena WinZip tauka WinRar

1. Cara Ngena WinZip tauka WinRar siti ari cara kena ngemulaika fail kita. Ngena cara tu kita cuma klik kanan ba mouse kita ba folder ti bisi fail kita ti lenyau. Udahnya klik ba "Add file to Winzip tauka WinRar".
2. Udah kemas proses iya peda dalam fail ti udah kena compress tadi, kita ka meda failnya bisi dia. Open fail nya tadi udahnya mestika Save As baru fail kita nya sereta simpan dalam Folder bukai awakka kita sentiasa ulih muka ia.
3. Cuma kena ngena tu kita mesti install program WinZip tauka WinRar dalam komputer kita

b). Cara Ngena Taip Notepad

1. Terubah ia buka program Notepad dalam komputer kita.(Klik Start - All Programs - Accessories - Notepad)
2. Udahnya dalam Notepad tadi, tuliska code tu: attrib -s -h
3. Udah kemas taip code ringkas tadi, Save As fail tadi ngena nama faillenyau.bat (File - Save As - faillenyau.bat - Save). Enti sema fail tadi lenyau dalam Pendrive, Save kita dalam Pendrive, pia mega dalam drive bukai.
4. Udahya buka(double-click),giga sereta klik nama faillenyau.bat tadi dalam pendrive kita.
5. Udah kemas buka, copy sereta paste nama faillenyau.bat tadi ke dalam folder kita ti nyimpan fail kita ti lenyau. Double click fail tadi, udahnya kita ka meda fail ti lenyau tadi bisi ayan.

c).Ngena Command Prompt

1. Ngena cara tu kita semina klik Run ba start programs.
2. Udahnya taip: cmd
3. Udahnya command prompt keluar. Taipka: attrib /?
4. Udahnya kita ka meda mayuh arahan dia, tang ngagai bagi fail kita ti lenyau, kita semina perlu naip code beketu dalam Drive C:\> tauka Drive D:\> tauka dalam drive bukai ti bisi ngundan fail kita ti lenyau. Taipka: attrib -s -h *.* /S/D
5. Udah kemasnya, Refresh komputer kita tauka semua drive tadi. Kita ka meda fail kita ti kena hidden tauka lenyau tadi ka ayan baru.

Selamat Mencuba....

CARA KENA NGEMULAIKA PRINTER TI SPOOLER/DIHIDDEN

Penanggul Komputer:

Siti penanggul ba komputer kitai ianya nda ulih print laban printer nda bisi ayan tauka nadai ayan ba Control Panel meskipun kitai udah install driver ia. Enti maya kitai print, bisi keluar dialog box ti madahka enda ulih print laban Printer kitai Spooler. Kebuah penanggul tu nyadi ianya laban sistem udah kena kacau virus tauka hardware kitai nda support sistem laban printer udah kena offline.

Nyadi enti penanggul tu nyadi, kena meh cara dibaruh tu kena ngaduka ia;

1. Buka Control Panel, udahnya klik Network Setup Wizard.
2. Klik button NEXT, udah "Welcome to Network Setup Wizard" keluar – Klik Next(titihka arahan dalam nya)
3. Pilih Other, klik next udahnya pilih jenis wizard ti bisi dalam kotak , titihka nitih ia ti sesuai ba network komputer kita.
4. Udah tembu proses setup anang lupa klik TURN ON printer ti dikena kitai sekalika ia sharing tauka enda.
5. Udah embih step di atas dikena kita peda tauka check ba Control Panel peda ba Fax enggau Printer kita udah ayan sereta ulih kena kita print.

CARA MENGATASI MASALAH TIDAK BOLEH DOUBLE-CLICK DALAM KOMPUTER ANDA..

Mengapa saya tak boleh double-click pada partition dalam komputer? Contohnya, bila saya nak buka partition C, akan keluar dialog “Open With”.

Penerangan:Masalah ini biasanya berlaku setelah jangkitan virus. Virus biasanya akan datang bersama fail autorun.inf yang berfungsi untuk melancarkan virus tersebut apabila anda double-click pada partition. Apabila anda scan komputer dengan antivirus, ia akan membuang virus ini. Namun sesetengah antivirus tidak membuang fail autorun.inf, dan membiarkan ia tertinggal di dalam partition. Sebab itulah anda tak boleh double-click pada partition anda walaupun setelah virus dibuang.

Penyelesaian:Terlebih dahulu, pastikan virus di dalam komputer anda telah dibuang.

1. Gunakanperisian antivirus seperti Avira, AVG, Kaspersky dan lain-lain yang baik.
2. Pada Windows Explorer, pergi kepada menu Tools > Folder Options.
3. Pada tab View,pastikan: Pilihan berada pada “Show hidden files and folders” Kotak “Hide protected operating system files (Recommended)” dikosongkan.
4. Selepas itu pergi ke My Computer, klik butang Search di Toolbar dengan setting Advance,taipkan autorun.inf, klik search, selepas autorun dijumpai, DELETE kan system/filetersebut tersebut dalam Local Disk C\: dan Local Disk D\: sahaja.
5. Restart komputer anda.

PRA-SEKOLAH KAMPUNG SAPAK,PANTU SIAP.!!!!!

Salah satu kemudahan luar bandar yang cukup dirasai di kampung kami ialah telah tertubuhnya Pra-Sekolah untuk penduduk luar bandar yang merupakan salah satu perintis di Negeri Sarawak seperti yang telah diumumkan oleh Timbalan Perdana Menteri selaku Menteri Pelajaran, Y.A.B Tan Sri Muhyiddin Bin Haji Mohd. Yassin baru-baru ini. Pra-Sekolah ini merupaka antara salah satu alternatif kerajaan untuk mamajukan dan menaiktaraf kemudahan pendidikan di luar bandar bermula dari pra sekolah.

Projek menyiapkan pra sekolah ini telah dimula pada pertengahan bulan Mac dan telah siap

sepenuhnya pada pertengahan Mei lalu. Bangunannya mampu menempatkan dua buah kelas dan dau bilik untuk kakitangan dan pengajar. Lokasinya yang strategik di persimpangan 3 kampung menjadikanya agak sesuai. Dengan kemudahan ini, maka ianya dapat menampung sekitar 10 - 15 bakal pelajar di kawasan kampung. Tambahan pula dengan tertubuhnya pra-sekolah ini maka tidak payahlah ibubapa pelajar nanti menghantar anak mereka ke pra di SK Pantu yang lokasinya agak jauh dan melalui jalan balak yang agak merbahaya terutama sekali pada musim hujan.

Majlis Perasmian bangunan ini nanti akan dilakukan oleh Timbalan Perdana Menteri Malaysia selaku Menteri Pelajaran iaitu Y.A.B Tan Sri Muhyiddin Bin Haji Mohd. Yassin pada 26 Jun 2010 sekitar jam 3 petang ditapak pra-sekolah ini. Dengan ini penduduk kampung yang ditemui berasa sungguh gembira kerana bukan setakat dapat merasmikan bangunan ini, malah bertemu dengan beliau sebagai Timbalan Perdan Menteri. Setakat 15 Jun, penduduk kampung telah membuat persiapan yang rapi dan telah menyambut beberapa lawatan

yang telah dilakukan oleh pegawai-pegawai dari Pejabat Pelajaran Daerah(PPD), Jabatan Pelajaran

Negeri Sarawak(JPNS) malah dari Kementerian Pelajaran Malaysia(KPM) untuk memantau projek dan persiapan yang akan dilakukan bersama penduduk kampung. Di sini saya sebagai pendidik dan berasal dari kampung ini berasa amat gembira dengan tertubuhnya pra-sekolah ini.

Gambar di atas menunjukkan beberapa pegawai dari KPM. JPNS dan PPD Sri Aman sedang menikmati jamuan, berbincang dan mengatur persiapan dengan para penduduk kampung untuk upacara pembukaan yang akan dilakukan oleh Menteri Pelajaran Malaysia pada 26 Jun 2010 nanti.

PENGERAMI GAWAI 2010 BA MENUA..

Gawai Dayak ianya sebengkah pengerami ti sebaka enggau pengerami bansa bukai ti diintu cukup penuh reti kelebih agi ngagai bansa kitai iban. Ngena pengerami tu kitai ulih begulai sejalai, bebuti besendi enggau pangan diri, kelebih agi ngagai kitai ti diau di rumah panjai. Nyadi ngena maya tu meh kitai ulih begulai diri sebilik, kaban belayan engau sekayu rumah begempuru sereta begulai berami ngulu pangan diri. Ngagai kitai ti diau di negeri tauka ia ti gawa ngagai menua bukai nda ngira kitai gawa perintah, kompeni tauka pengawa bukai, tu meh maya kitai pulai ke menua sereta betemu enggau bala di menua, kelebih agi apai indai kitai empu. Di menua kitai di Sarawak tu siti ari "trend", maya gawai tauka krismas mayuh bala kitai ngemulaika diri ke menua. Nyadi maya gawai tu meh kitai berami sereta begusung ngagai diri sama diri. Maya tu mega kitai bebuti enggau betundi enggau pangan diri. Nyadi maya tu meh kitai ulih muai semua jako lama sereta laya lama, awakka tundi kitai tau manah sereta lantang ati maya berami. Laban maya tu kitai bisi beirupka ai bisa, nyadi arapka kitai tau ulih nyaga ulah diri, ngirup mana sereta betundi manah, awakka pengerami gawai penuh reti ba kitai.

Nyadi di menua kami di Sapak, Pantu, nyauka setiap taun maya gawai tu diintu cukup pengerami ba menua kami. Nda ngira nembiak, orang tuai tauka bala indau lelaki pengawa gawai cukup pengeami diintu kami, kadang-kadang sampai malam tauka dini ari pengerami tu diintu kami. Ia ti udah cukup ngelu sereta nda ulih nitih lalu ngali kediri meh. Sapa ti kuat gi injin sereta cukup "four wheel" ngansarka kaki ulih ga ngembihka adan. Iya ti manah ba menua kami tu ianya, taja pen sekali ngengkah bejalai sereta betundi tubuh mensia nyauka datai 60 iko, tang nadai kala belaya sereta carut enggau pangan diri maya betundi gawai. Pia mega bala nembiak rebak baru diatu cukup manah ulah ba menua kami leboh ti berami begulai enggau orang tuai... TAHNIAH SAPAK....... Nyadi arapka baka taun-taun ti ka datai pengerami baka tu tau ulih diintu kitai enggau manah ulih kitai.....ngena cukup pengerami. Nyadi di baruh tu sekeda gambar ti ulih diambi aku maya pala agi manah.....gambar bukai nda ulih laban nyau lain injin wai.... maya nya nda tentu ingat ka ngambi gambar agi laban kaki nyau gatal ga ka ngansarka diri.... Arapka betemu ba taun 2011......

PENANGGUL SERETA CHARA NGADUKA ENGGAU NYAGA LAPTOP & DESKTOP KITAI..

Ka banding kitai siko ari End User ti ngena komputer kitai kadang-kadang kitai enda nemu tauka sigi enggai berati ka cara kena nyaga komputer. Udah lepas meli, kitai selalu ka ngena ia aja ti ngujungka enti sema bisi penanggul dalam komputer kitai lalu terus anjung ngagai kedai kena ngaga ia. Dibaruh tu lagi aku ka meri tip kena kitai nyaga pengetan sereta pengelikun komputer kitai. Aku meri ditu cara nyaga sereta kena nemu penanggul Desktop enggau Laptop kitai.

a). PENANGGUL SERETA CHARA NGADUKA ENGGAU NYAGA LAPTOP KITAI;
Laptop kitai jarang nadai penanggul bukai laban komponen ia semua build-in begulai enggau Motherboard. Nya kebuah enti bisi penanggul, pengerusak mayuh nyadi dalam motherboard. Nya kebuah ba Laptop ia ti selalu rusak ianya motherboard. Di antara tanda-tanda motherboard kitai rusak ianya;

i). Enggai detect hard disk maya kitai ngidupka komputer kitai tauka enggai idup maya kitai nekan button On ba Laptop kitai meskipun kitai ngachukka sereta on Charger kitai.
Pengerosak : Retinya Power Supply Connector kitai ti begulai enggau Motherboard anggus tauka jai. Enti sema Desktop kitai ulih nukar sereta meli Power Supply baru. Tang ba Laptop kitai enda ulih nukar ia aja, tang tepaksa meli Motherboard baru. Kebuah pia laban dalam motherboard bisi Bus Sistem ti bisi wayar alus ti tau anggus sereta jai mega. Dalam pekara tu Hard disk kitai jarang jai tapi selalu ia mother board, kecuali maya kitai ka Format komputer, tang iya enggai detect hard disk, baru tanda ia jai hard disk. Biasanya enti jai Motherboard, kitai tepaksa meli baru, sereta rega iya enda kurang ari RM700.
Chara nyaga: Siti chara nyaga Laptop kitai ianya kawal penganggat dalam Laptop kitai. Nyadi manah gi enti kitai ngena Laptop kitai di rumah, kena meh Colling Pad ba baruh Laptop kitai, lebih agi enti sema kitai ngena ia dalam timpoh ti lama. Kebuah pia laban ia ulih nginsap penganggat dalam Laptop. Diatu Colling Pad dijual enggau rega enda datai RM40, nyadi nadai rugi kitai meli ia ari ti ngaga ia enggau rega ti besai. Enti di opis ti bisi air-cond kitai enda ibuh ngena iya laban suhu dalam iya ulih dikawal penganggat ia. Manah gi enti enda dikena, OFF laptop kitai anang biarka ia idup kelalu lama enti enda dikena. Pia mega aku mesan kitai anang engkah Laptop kitai dalam kereta enti ari anggat sereta anang terus masang komputer kitai enti iya udah lama anggat dalam kereta. Biar sari dulu sampai ia chelap baru kitai tau ngena iya. Laban enti kelalu anggat enti dipasang tau ngujungka motherboard laptop kitai rosak.

ii). Skrin enda manah grafik tauka baka ti pecah, tang nadai ga dipeda pecah ari luar.
Pengerosak: Dalam kes tu skrin laptop kitai jai tauka pecah. Kebuah pia laban ia skrin laptop kitai kelalu sensitif.
Chara nyaga: Anang mai sereta nyimpan Laptop kitai begulai enggau barang bukai enti maia nyimpan ia.


B). PENANGGUL SERETA CHARA NGADUKA ENGGAU NYAGA DESKTOP KITAI;

Nyadi penanggul dalam Dektop kitai, bisi part ia tau jai mega dalam Laptop kitai. Nyadi bisi sekeda tanda-tanda dibaruh tu tau nyadi ba Laptop kitai. Di antara beberapa penanggul sereta pengerusak enggau cara ka nemu penanggul ia sereta chara nyaga iya diberi aku di baruh tu;

i). Api komputer idup tang nadai gambar keluar di skrin
RAM / Memory gerah tauka kaki ia kamah/kotor .Cabut RAM sereta tuchi kaki kuning dibaruh ia enggau pemadam pensel sereta lap sampai beresi, udah nya pasukka baru ngagai RAM Slot ia. Enti enggai nyadi reti nya RAM jai, tepaksa meli baru RAM.

ii). Komputer kitai bemunyi TIT...TIT...TIT jampat sereta pandak. Komputer idup, tang nadai gambar keluar dalam skrin.
Retinya VGA Card rosak, tauka kaki ia kendur baka RAM tadi. Chara ngadu ia sama baka kitai nyaga RAM di atas tadi.

iii). Komputer kitai bemunyi TIT...(bunyi panjai, terus sereta nadai berenti enti kitai nadai madamka ia.
RAM / Memory rusak. Uji gaga sereta adu ia baka chara (i) tadi. Enti enggai ga nyadi retinya Motherboard jai.

iv). Monitor selalu berubah colour.
Bisi kabel tauka kaki slot nadai dipasang manah begulai enggau VGA Card. Bisi pecah tauka ka jai kabel ti nuju ngagai komputer. Pia mega RGB Monitor kita udah rosak. Retinya tepaksa meli monitor baru.

v). Maya On Komputer keluar tulis ” DISK BOOT FAILURE, INSERT SYSTEM DISK AND PRESS ENTER”.
Retinya sistem dalam hard disk lenyau tauka hard disk rusak. Kena nemu masalah tu, Restart komputer kitai, udahnya peratika maia komputer kitai ka start bisika enda IDE / Hard disk kitai pansut. Tauka tekan button DEL maia ia baru ka start. Peda ba Standard Setting. Peda enti sema bisi IDE / Hard disk pansut, retinya Hard disk nadai jai tang sistem tauka partition ia lanyau. Retinya install OS(Operating System) baru. Enti nadai pansut reti nya Hard disk udah jai. Uji tempap anang kuat atas Hard Disk, ngicaka iya empu motor ka bejalai. Enti ka nyadi udah digaga bekenya, jampat kita Backup data/dokumen kitai laban nya nunjukka hard disk kita nyauka jai sereta enda tan agi. sereta tepaksa kitai meli baru. Enti enggai, tepaksa kita meli Hard disk baru.

vi). Maia ngidupka komputer selalu minta kitai nekan F1 baru ka start
Retinya Batery BIOS udah jai / rusak enda ulih ngingatka BIOS Program agi baka jam enggau ari bulan. Uji beli battery baru kena nganti baterry BIOS. Udahnya aduka setting jam sereta ari bulan kita ngagai ia ti betul. Udahnya padamka komputer kita, cabut Power Kabel Listrik (Power LD) ari Stop Kontak ke komputer. Biar komputer kita padam lebih kurang 10 saat. Udahnya lekatka baru kabel tadi, idupka baru komputer kita, enti sema ia nadai kita nekanka F1 retinya komputer kita udah manah. Enti enggai, sah part nya ba bagian Mother board udah jai, tang komputer kita ulih kena, Cuma ka nekanka F1 belama maia ngidupka ia.

vii). Komputer enggai idup maia kitai nekanka karan tauka maia kitai nekanka Power Button.
Dalam tu retinya kotak Power Supply udah rusak sereta kita tepaksa meli baru.

Di atas tadi ianya sekeda ari penanggul sereta pengerusak ti selalu nyadi ba Laptop sereta Desktop kitai. Nyadi arapka ia tau nyadika panduan kita maia ti beratika penanggul sereta pengerusak komputer kita. Kelimpah arinya enti bisi penanggul bukai kita tau nanya ngagai aku ba e-mel aku. Arapka ia ulih mantu kita, kelebih agi ngagai bala bansa kitai iban ti baruka ngena komputer tauka ka belajar ngaduka komputer kita empu.

Terima Kasih..

Tips Ngintu Komputer / PC Kita

Ngelama tu aku nerima mayuh e-mel ari mensia mayuh kelebih agi bansa kitai empu ti nanya nama kebuah aku lama enda nulis pasal artikel komputer. Minta ampun bala semua, kebuah aku lama enda nulis pasal pekara tu laban ti mayuh pengawa maya pun taun tu laban ti sekula baru dibuka. Tang taja pia ke sekali tu aku nulis siti artikel bekait pasal komputer laban ari 106 emel ti dianjung dalam 3 bulan ti udah 83 iko minta aku nulis siti artikel pasal nyaga tauka maintanance komputer tauka PC kitai. Ok, nyadi dibaruh tu aku bisi meri tips kena kitai ngereja pengawa tu. Sekeda ari jako ditu becampur laban nyamai agi ngena iya empu jako asal nerang ngagai kita. Minta ampun ngagai pengajar iban engka sepil tauka jako aku tunggang-langgang tauka bisi salah.
Kemaya ari tu komputer siti ari perengka pemansang ti majak diguna mensia mayuh dalam semua kerja nda ngira kitai kerja perintah, kompeni tauka kediri empu. Nda ngira kitai ka ngena ia ngena cara online tauka offline, dalam semua kerja ia endang sigi beguna amat. Tang dalam mayuh pekara, mayuh bala kitai enda nemu ngintu ia tang semina meli sereta ngena ia aja. Kadang-kadang kita selalu ninga kitai enda nangi ke kena Virus laban ko sida, sida iya enda kala ngena komputer sida ngena internet. Enda ngena internet ukai semesti komputer kitai selamat sereta nadai virus. Laban ngagai pemaca semua virus ukai tesibar ari internet aja. Ambi ke banding, enti sema kita kala nuchukka pendirve kita ngagai komputer orang ti bisi virus udahnya kita lalu mai sereta nuchokka komputer kita ngagai komputer kita empu, retinya komputer kita kena virus. Sekeda ari tanda komputer kita udah bisi masalah ianya, iya mula lubah amai pen RAM ia besai. Ari pengelubah ia, udahnya iya semakin nyadi sampaika ia nyerang sistem sereta perengka ti dikena kita dalam komputer. Diatu mayuh Antivirus bisi ulih di download kita ari internet ngena free Version tauka ulih diambi kitai free ari internet, baka AVG, Avira sereta antivirus bukai. Kala kitai ninga sida bisi antivirus udah diinstall, tang bisi ga virus. semua tu nyadi ketegal kita jarang tauka enda kala Update ianya empu database tauka Virus Definition ia. Paling enda pun kita mesti Update Antivirus kita sebulan sekali. Cara update bisi 2 chara ianya Auto Update tauka Manual Update. Enti kitai bisi line internet manah gi kitai ngena Auto Update. Enti nadai kitai tau ngena Manual Update. Download iya empu file ari internet tauka nyuruh kaban ti bisi internet. Udahnya simpan dalam Pendrive, bai ngagai komputer kita. Udahnya kita ulih ngena Manual Update sereta ambi data iya ari pendrive tadi. AVG engau Avira ulih di Update kitai ngena chara Manual. Pia mega selain ngintu komputer kitai ari virus, mayuh pengawa bukai ti patut dikena kitai ngintu komputer, baka maintanance iya. Siti chara ianya mestika selalu Defrag komputer kitai sereta Disk Cleanup. Kebuah pia laban dikena kitai muai ia empu Registry ti enda tauka nadai diguna agi dalam sistem, pia mega ulih clean ia empu Temporary Files. Kitai ulih meda dua chara tu dalam; All Programs - Accessories - Systems Tools. Dia kita deka meda dua chara dua iti tu. Pia mega kitai ulih ngadu sereta nyaga iya ngena Speed Up My PC sereta CC Cleaner laban ia ulih nyaga sereta ngadauka baka pekara di atas tadi. Dua iti software tu ulih kita download ari internet, taip aja Uniblue Software ngena Search Engine yahoo, google tauka iya ti bukai. Pia mega kita tau ngena Registry Booster kena kita Repair Error dalam Hardware tauka software kita laban iya ulih ngadu tauka fix kita empu error dalam system. Tapi anang enda ingat mesti Backup ia empu files system sebedau kita fix iya. Kebuah pia laban enti komputer kita meragam, kita ulih pulai baru sistem kita ngagai iya ti sebedaunya ngena chara System Restore. Nyadi tu sekeda ari chara kita nyaga komputer kita, laban semina ngena aja tau ngujungka komputer kita corrupt ia empu sistem. Laban kena ngadu sereta ngaga iya ba kedai, format kosong aja iya ulih manggai ngagai RM50. Manah gi enti bisi kaban tauka bala ti bisi nemu ngereja tu tau nanya tauka nganjung ngagai sida. Nyadi ngagai bala nembiak ke rebak baru diatu nadai salah kita belajar cara-cara ngadu enggau ngaya komputer. Kelimpah ari nya penemu kitai dalam pekara tu enda mudah lenyau laban iya majak diguna mensia kemaya ari tu. Nyadi sebarang pekara ti ka ditanya kita pasal komputer, kelebih agi kitai bansa ti ka belajar mimit pasal komputer, kita tau emel ngagai aku ngena emel; wrson74@gmail.com Aku naka ulih mantu kita ngena penemu ti bisi ba aku.

Nya aja ari aku; Meja Penulis(Iban Pantu Blogger)

Pekit Main Bol Lelaki 18TKB MSS Daerah Sri Aman

Kena ke 9 - 11.03.2010, kami sekula SMK Melugu, Sri Aman nyadi penganjur Pekit Main Bol MSS Daerah Sri Aman. Nyadi pekit tu tadi diulu 5 buah sekula secoundry ba Daerah ianya SMK Melugu (Tuan rumah), SMK Engkilili, SMK Lubok Antu, SMK Sri Aman enggau SMK Simanggang. Nyadi kena tu tadi aku empu bisi enggau pengawa tu ianya nyadi siti ari AJK ti nganjurka pengawa tu. Pekit tu diatur ba padang KPS lama ngimbai Dewan Suarah Sri Aman.

Pemutus main bol tu tadi, lumor 1 ianya SMK Engkilili, lumor 2 SMK Melugu sereta lumor 3 ianya SMK Lubok Antu. Pekit tu kena milih pemain ti ngarika Bahagian Sri Aman ba pekit main bol peringkat Negeri Sarawak ti ka diatur di Mukah ke taun tu. Nutup pengerami tu tadi ianya Penolong PPD Daerah Sri Aman, ianya Tuan Haji Abdul Rahman.

Aku benung meda Cikgu Awg. Amir ngaduka check list pemain ba meja Urusetia.

Team SMK Engkilili udah nyadi Champion ba pekit tu tadi.

Team kami ari SMK Melugu bulih Lumor 2

Penolong PPD Daerah Sri Aman, Tuan Haji Abdul Rahman, tengah betabi enggau bala pemain ari SMK Lubok Antu enggau SMK Sri Aman maya ti nutup pekit tu tadi.

Beserumpu Makai Ngeramika Rumah Baru Kaban.

Kena ke lemai 19.02.2010 tu tadi kami sebuat bisi datai ngulu pengerami makai lemai kena ngitu rumah baru siko kaban kami ianya Mr. Kwang Law siko pegawai ba Opis Pelajar Sri Aman. ba rumah baru ia ba Sri Aman. Mayuh bala ia datai maya nya baka bala cikgu ti kala enggau ia ngajar ba SMK Melugu, bala kaban ia ba Opis Pelajar di Sri Aman sereta bala pengajar enggau bala bukai ti ulih datai ngimbainya. Tambah mega maya tu baru udah ngitu Taun Baru Cina. Manah mega laban ulih ngabang sekali maya nya. Kami ari Melugu diarika Cikgu Johnny, Cikgu Gindi, Cikgu Andrew enggau aku empu.

Sekeda ari gambar ti bisi diambi maya nya. Bala kaban baka Andrew tengah nyadi "Chung". Manah jari kaban.

Chap Goh Mei di Sri Aman

Anak biak aku, Dylon nyempal pending laban ti takut ninga "Tarian Singa"

Kena ke lemai 28.02.2010, kami menyanak bisi meda "Juntoi" maiaChap Goh Mei ba pasar Sri Aman. Nyadi malamnya dijangka kira ke mayuh mensia datai meda di Bandar Sri Aman. Taja pen malam nya kira ke pukul 6.30 bisi ujan, tang nya enda nagang mensia mayuh ngulu pengawa nya. Baka malam nya ti rindu meda pengawa nya ianya bala nembiak. Kira ke nyauka 30 iti kereta beias bisi ngarak ba jalai ti dipilih ba Bandar Sri Aman. Nyadi ditu bisi sekeda ari gambar kami menyanak maya ti meda pengerami tu

Gambar Rimau ti nunjuk ke Taun 2010 ianya taun Rimau.

Keith enggau Shannon tengah meda orang main bunga api.

Raun ke Tanah Malaya... kami.

Bedau lama ti udah kami sebilik bisi bejalai raun ke Semenanjung Malaysia sereta ngusung menyadi aku ti gawa polis ba Balai Polis Chembong, Rembau Negeri Sembilan ianya Cif Inspektor Tajim Risit. Maya tu tadi dia kami sebilik enggau bala bukai bisi bejalai ngagai mayuh tempat di Negeri Sembilan enggau sekitar Kuala Lumpur. Di antara tempat ti bisi dilawa ianya Muzium Tentera di Negeri Sembilan, Kolam Air Panas Padas, Rembau, Pantai Port Dickson sereta Zoo Negara, KLCC, KL Tower sereta sekitar Bandar Kuala Lumpur ti bukai. Bendar amai kami sebilik enggau sebala bejalai kena muai tekan kerja sereta mai bala nembiak meda rampa menua bukai. Amai pen belanja mayuh dikena, tang nadai ngawa munyi ko jako orang kemaya ari diatu, "sekali-sekala". Nyadi ngagai bala bukai dia bisi cuti panjai tau ga mai bala nembiak bejalai ka menua bukai, kadang-kadang manah ga awakka peransang sekula sida. Sambil raun kitai beajar sereta meri peransang ka sida. Manah peneleba ngajar nembiak start ari mit, awakka meri penemu ngagai sida iya munyi ko jako bansa menyadi kitai melayu " Melentur buluh biarlah dari rebungnya"- Ari aku Mr. Wilson.

Kami sebilik benung raun bejalai di Zoo Negara, Kuala Lumpur

Bala kami sebilik enggau sekaban benung begambar ba terowong masuk ngagai KLCC nuju

Aquaria di dalam terowong ai tasik dalam KLCC.



Bala kami benung mandi ba tasik sereta sungai digaga mensia ba kolam ai anggat Padas,

Rembau Negeri Sembilan.

Bala kami tengah besiap sedia ka mandi ba Pantai Port Dickson

Bala kami benung begambar dalam terowong Parti Kominis Malaya(PKM) ba Muzium Tentera, di Negeri Sembilan.

Guna Pelajar IT(Teknologi Pemadah) Ngagai Nembiak

Subjek ICTL(Information and Communication Technology Literacy) enggau IT(Information Technology) ianya siti ari mata pelajar ti beguna amatka bala nembiak kemaya ari tu. Ia patut diajar laban kemaya ari tu guna pelajar enggau penemu dalam semua bidang pengawa enggau kerja mayuh bekait enggau dunya pemadah. Tambah mega ubah pemansang dunya diatu enda baka maya kelia. Pengeransing nembiak ba subjek tu rindu amat bala kami pengajar meda laban ba sekula luar bandar baka SMK Melugu mayuh nembiak datai ari rumah panjai sereta enda tentu teleba dalam pengawa tu, ambika banding baka aku empu kelia datai ari rumah panjai. Ketegal ari pengeran aku dalam dunya tu ngujurka aku sanggup nampung pelajar dalam dunya tu. Enggau tu aku ulih mantu sereta nemu latar belakang nembiak ti datai ari rumah panjai.
Ba sekula kami dia mata pelajar ICTL udah start diajar ari taun 2009 ba 7 kelas Pom 1 enggau 3 kelas Pom 2 aja laban kurang pengajar nemu dalam bidang tu. Start ari tuan 2010 tu tadi laban bisi nambah pengajar ngajar mata pelajar tu dia kelas ditambah ngagai 7 kelas Pom 1, 7 kelas Pom 2 sereta siti kelas IT Pom 4. Ngena jalai tu arapka bala nembiak ulih nyingkang lebih maju agi ba penemu sida dalam dunya IT.

Pengelantik dalam dunya IT bepun ari peneka kitai empu - Dom Wil Apai Tegong

Sekeda nembiak diajar aku benung belajar dalam Kelas ICTL

Majlis Anugerah Pelajar Cemerlang SMK Melugu 2009

Kena ke 11/02/2010 tu tadi sekula kami SMK Melugu udah bisi ngawa pengawa Majlis Anugerah Pelajar Cemerlang 2009 ngagai 175 iko nembiak Pom 1, 2 enggau 4 ti udah bulih pemujur dalam pelajar sida dalam taun 2009 nyin kemari. Sida bisi nerima perais enggau sijil dalam pengawa tu tadi. Pia mega nembiak ti bulih pemutus pelajar ti manah dalam Peresa PMR 2009 sembilan tu tadi udah bulih perais mata duit ari PIBG SMK Melugu. Nembiak ti pemadu manah Peresa PMR taun nyin kemari ianya Adik Afifah Farha, anak siko pengajar kami ditu ianya anak Cikgu Rahimah Dan ti bulih 8A. Pengawa tu tadi udah diulu En. Mong Dagang, Menteri Muda Pelancongan (Penyelarasan dan Penyelidikan). Ba pengawa tu tadi Menteri tu nyua ka perais ngagai bala nembiak. Pia mega En. Mong udah meri RM5000 ngagai sekula kami.
Bisi ngulu pengerami tu tadi ianya wakil PPD Sri Aman, Pn.Limok Shem, YDP PIBG SMK Melugu, En Rigi Gu, Pengetua SMK Melugu, Tuan Haji Hossain bin Fauzi, Penolong Kanan 1, En. Horida Asai enggau Penolong Kanan HEM, En. Andin Simanggang, bala pengajar SMK Melugu sereta pemesai bukai ti bisi dijemput sekula.

Bala kami tengah nganti En. Mong, nyau cipit mata, anggat !!!

Bala nembiak, Adik Desmond Voon tengah ngajat nyambut penatai Menteri

En. Mong Dagang, Menteri Muda Pelancongan (Penyelarasan dan Penyelidikan) benung betabi jari enggau bala pengajar SMK Melugu

SUKAN PADANG ENGGAU BALAPAN SMK MELUGU KE-40(2010)

Kena ka 2 - 6/2/2010 tu tadi sekula ti alai aku ngajar bisi ngatur pengerami Lumba Padang enggau Balapan SMK Melugu 2010. Pengerami 5 ari tu diatur ba sekula kami empu di SMK Melugu. Pengawa tu diatur start 2-3/2/2010 kena ke lemai ari start pukul 2.30 lemai dalam acara padang baka lompat tinggi, rejam lembing, peluru, cakera sereta lompat jauh enggau lompat kijang. Lumba belanda di atur start ari pagi enggau 4/02/2010 - 6/02/2010.

Dalam pengerami tu mayuh rekod baru sekula ti udah dipecahka bala nembiak dalam bengkah acara padang enggau balapan. Dalam pengerami tu adik Esmeralda anak Jeckcelly. Anak siko pengajar kami ditu udah nyadi Olahragawati Sekula sereta adik Ian Maxwell udah nyadi Olahragawan Sekula. Pia mega maya tu petungal aku James Kemendan udah nyadi Atlit Terbaik Lelaki 18TKB laban ti udah bulih midol Emas dalam acara 400m, 800m, 1500m, 4x100m sereta pirak acara 4x400m. Rumah Arena sekali agi udah nyadi Juara dalam pengawa tu. Lumba tu tadi udah ditutup enggau rasmi oleh PPD Sri Aman, En. Walter Lamat Kiyai.

Dibaruh tu sekeda ari gambar ti bisi diambi;

Adik LilySuriani andal laban ulih lumor satu ba acara 4x100m ngari ke rumah sida

Petungal aku James Kemendan benong nerima perais Atlit Terbaik Kategori Lelaki 18TKB

Petungal aku James Kemendan bulih Lumor Satu ba acara 4x100m ngari ka Rumah Arena

Bala nembiak benong start belawa acara 4x400m

Cikgu Lawrence enggau Cikgu Freda benong kiruh ngatur nembiak ba tempat Penyelia Peserta

"Jambatan Batang Strap, Pantu Digaga.....!!"

"Batang Kenang Ari Meja Penulis....."

Nyadi kena ke 19.01.2010 tu tadi Kepala Menteri Menua Sarawak, Pehin Sri Haji Abdul Taib Mahmud udah bejadi muka Jambatan Batang Strap, Pantu. Jambatan ti lama udah dikenang bala rayat urung seberai Batang Strap, pantu sebengkah ari pemansang ti udah diberi perintah ti tau mai pemansang sereta penyamai ngagai bala rayat ba seberai Pantu. Nyadi laban aku siko ari bala mayuh ti berasai andal ati laban jambatan tu nyadi digaga laban ia udah lama dianti digaga. Ba runding aku empu arapka iya ulih digaga siap nitih ka timpuh ti udah ditetapka. Penyadi jambatan tu tau mai mayuh pemansang sereta penyamai ngagai bala kami seberai nyin ti ka ngena jambatan nya.



Ba aku empu laban ti beasal ari seberai nyin ianya ba Tr. Sadut, Sapak Pantu, berasai bisi penyenang mimit pulai ke menua laban sebedau tu kami semina ngarapka jalai ai/sungai aja enti ka pulai nemuai ka menua. Lebuh maya ujung taun bisi nyamai laban ai sungai besai. Pejalai ngena perau lebih kurang setengah jam mimit. Tang enti lebuh maya tengah taun, maya ai langkang nya ti bisi penanggul ba kami ti bekena ka ai sungai laban ia enda ulih tengah enti kelalu langkang. Sampai nyau ka 2 jam ngenatai ka diri ba Menua Sapak. Lebuh jalai ti bisi digaga nengah Jalai Ubah ngimbai pasar Sungai Tenggang, kami semenua bisi penyamai bebai ka kereta pulai ke menua taja pen ari simpang nya ke menua kami bisi sejam pejalai. Nyadi enti jambatan tu siap ila pejalai ari Bandar Sri Aman ngagai menua kami di Sapak semina lebih kurang 1 jam aja, enti ari pasar Pantu ke menua kira ke 20 minit aja. Nyadi kami ba urung menua seberai nyin ngelama tu bisi penyamai begusung ka pangan diri lebuh maya pengerami tauka maya bisi ka ngulu penusah. Taja pen ia jalai kayu balak ti nadai betar tauka nadai mayuh bisi batu tang baka kami urung Menua Ubah, Tekutong, Empaling, Isu, Gayau, Muding, Keranggas, Engkeranji sereta menua aku ba Sapak dia kediatu nyau bisi penyamai ngenatai ka diri ngagai semua sitak menua ba tu.



Jambatan Batang Strap, Pantu tu nelan kos Rm20.4 juta. Pemanjai iya kira ka 182.4 meter sereta berengkah digaga kena ka bulan 11 taun 2009 tu tadi lalu dijangka siap kena ka bulan 2 taun 2011. Nyadi ngagai bala ti sama ngajar baka aku berasai nyamai mimit ari penyadi jambatan tu laban 4 buah sekula ulih dilawa, baka Sk. Muding, Sk. Keranggas sereta Sk. Engkeranji. Kebuah pia laban bala pengajar ulih ngena kereta diri ngemulaika diri ke rumah diri ba urung pasar lebuh ujung minggu. Pia mega penyadi jambatan tu ulih bendar nyingkakka pemujur pengidup raya lebih kurang 23 buah genturung rumah panjai enggau pemayuh rayat kira ke lebih 4000 iko. Nyadi iya ulih nyingkakka pengidup rayat kelebih agi kena ngemansangka pengidup diri lebuh maya ka bejual ka asil betanam betupi kena ngidupka diri.



Nyadi kami rayat dia meri besai terima kasih ngagai perintah laban ti udah ngenyadika pengaga jambatan tu laban ia sigi udah lama dianti kami. Arapka udah tu ila bisi jalai ga pemansang bukai diberi kelebih agi ngaduka jalai ti udah disambung ke sepiak nyin ngena jambatan nya ulih digaga manah gi, chunto ia sungkur/gaga besai mimit, narah bukit ti kelalu tinggi, sereta ngidarka batu ba jalai nya awak ka enda licin sereta ulih tengah maya ari ujan. Arapka perintah sereta kompeni ti begaga ke jalai nya sama berakup meh "upgrade" mimit meh jalai seberai nyin awakka mai penyamai mimit ngagai bala kami sepiak nyin....... TERIMA KASIH !!!!.

Cara Ngubah Registry Ngena Offline NT Password Enggau Registry Editor

Selalu iya enti virus udah nyerang komputer kitai enggau balat iya ka ngubah nilai tauka angka dalam registry, ambika banding ianya ngemadamka fungsi Task Manager, regedit enggau Folder Options. Cara ti nyamai ngena miki ia ianya ngena RRT tauka ngena cara manual ianya ngena Regedit tauka gpedit.msc. Dua iti tu ianya alat ti bisi dalam Windows. Kati enti sema komputer kitai enda ulih buka langsung, padam secara automatik, malar aja Restart. Bekeni cara iya. Ditu kitai ulih ngena Offline NT Password enggau Registry Editor, ianya ngena Boot CD. Ngena cara tu kitai ulih ngubah nilai registry, sama baka regedit tauka gpedit.msc enti sema kitai naip iya dalam Run dalam Windows.

Dibaruh tu beberapa cara kitai ngena Offline NT Password & Registry Editor
a). Cara Ngaga Boot CD;

1. Terubah sekali kena lebih selamat, maya komputer kitai agi manah, maya kitai ngena internet Download cd080802.zip udahnya extract fail nya.
2. Lepas udah abis download, Burn fail cd080802.iso ke dalam CD ngena Burner/Image Burn. Udah abisnya CD kitanya ulih kena.

b). Cara Ngubah Nilai Registry

1. Pasti ke Boot Sequence ba Bios kita udah ditetapka First Boot ia ba CD Rom
2. Udahnya Boot komputer kita dari CD tadi
3. Mula-mula sekali, boot menu keluar, Tekan Enter ba Keyboard aja kena kita mulaka Offline NT Password & Registry Editor. Iya ka ngubah registry secara automatik sampai ke komputer kita restart baru.

Selamat Mencuba.

Cara-Cara Scan Virus Komputer

Kadang-kadang kita hanya menggunakan kmputer tanpa memikirkan kselamatannya, terutama data yang kita telah simpan di dalamnya. Apa salahnya kita scan komputer kita atau full scan sekali seminggu. Namun demikian untuk pengetahuan semua pembaca adalah elok kita scan setiap pendrive, cd atau disket dahulu yang telah kita gunakan di komputer lain sebelum membukanya di komputer kita. Scan virus digunakan untuk mengesan virus di dalam komputer. Di bawah ada beberapa cara untuk kita melakukan proses scan. Terdapat pelbagai cara untuk scan virus. Kebiasaannya kita hanya perlu menekan butang scan. Cara-cara scan yang akan dibincangkan ialah :

1. Scan melalui klik kanan pada mouse
2. Scan melalui schedule task
3. Scan menggunakan program antivirus

1. Scan melalui klik kanan pada mouseWindows menyediakan kemudahan scan hanya melalui klik kanan pada mouse.Scan boleh dilakukan pada drive, folder ataupun fail.

2. Scan melalui schedule taskMelalui Schedule Task, komputer boleh menjalankan program antivirus secara automatik.Kita harus mengetahui kedudukan program antivirus tersebut.Cara memasuki program schedule task :

Start > Control Panel > Schedule Task > Add Schedule Task > Masukkan program antivirus

3. Melalui proses ini klik pada perisian Antivirus yang terdapat di dalam komputer kita. Selepas dibuka sila ikut arahan yang terdapat di dalamnya. Sila gunakan Antivirus yang boleh mengenalpasti virusnya dan jangan lupa untuk “update” Antivirus anda.

Selamat Mencuba.

Nama Reti Spyware enggau Adware??

Spyware siti ari utai ti ngiruh amai ka kitai maya kitai ti ngena komputer sekalika internet. Ia datai ba komputer kitai tauka maya kitai ngena internet nadai pemendar ari kitai. Spyware selalu datai maya kitai “install” program lalu selalu nadai ditemu kitai. Spyware nadai milih masuk ngagai komputer kitai, lalu biasa Spyware pedis amai ka di “UnInstall” kitai. Bisi sekeda program baka Revo Uninstaller ulih muai ia tapi ka ngena Advance Setting, awakka Registry iya ulih dituci abis.

Adware siti ari pekara ti madahka iklan “pop-up/pop-under” maya kitai benung meda sebarang pekara ti patut dipeda dalam internet. Iklan ti diayanka ianya utai ti enda bekait enggau pekara ti dipeda kitai. Iya selalu pansut maya kitai benung browsing di web. Adware selalu kena install kitai maya kitai install mayuh jenis fail(P2P) lalu iya selalu ngayanka mayuh bentuk jam, repot gaya ari, iklan kena duit/tiket enggau mayuh macham iklan bukai.

Kena nyeliahka pekara tu Yahoo Anti-Spy ulih mantu kita laban iya ulih madah sekalika iya patut dibuai tauka disimpan.

Pengerindu Berami Maya Pemisi....

Nyadi maya ti pulai ke menua tu tadi beumba enggau Hari Krismas mayuh pengerami ti diintu. Kelebih agi laban maya tu tadi mayuh bala ngulu penatai menyadi aku ianya Cif Inspektor Tajim ti datai ari Tanah Malaya enggau sida sebilik. Laban ti 9 taun nadai pulai ke menua dia mayuh bendar bala kami serumah panjai datai ngulu iya. Lebuh ti udah makai lemainya kira ke pukul 3.00 lemai maya bala datai, dia dienahka enggau ai buka enggau beer. Nama agi da nyadi meh pengawa. Udah pala mensia benung nyamai di sida sama betanda, poco-poco enggau bejoget. Pengawa maya lemai 20.12.2009 tu tadi terus ngagai dini ari iya kira ke pukul 2.30 pagi, start lemai. Kira ke 60 iko bala indu lelaki bisi ngulu penatai menyadi aku serta kami sebilik maya nya.

Kena ke 25.12.2009, maya ngintu Krismas kami serumah mega rami bebuti betundi enggau pangan diri. Pengawa ti ngusung pangan diri berengkah ari pagi sampai ke dini ari diintu cukup pengerindu. Siti jaku puji nadai penanggul maya kami ngintu Krismas ke taun tu. Bala ke biasa lelak amai betanda maya nya, madai asai tubuh, kering asai kaki. Bendar amai bepoco-poco maya nya, tambah mega bejoget ngelaban bala di rumah panjai. Nyadi enggau jako tu aku meri besai ngagai bala kami di rumah panjai din laban basa kita sereta pengerindu kitai maya ti begulai tetep kami kenang. Arapka kitai ulih begulai sereta berami baru ba taun ti bukai. Terima Kasih……

Bala kaban tengah ngansarka kaki..

Tudah aku benung diirit bala petungal enggau bala ipar nguji ngansarka kaki

Team bala ibu benung belaban...

Petungal aku ulih aku ngetan laban ti kelalu ka belagu....

Gambar bala aku maya ti besembiang ba Gereja kami di Sapak ba pagi 25.12.2009

PENGERINDU MAYA PEMISI..

Kenaka 20.12.2009 tu tadi kami sebilik enggau bala menyadi aku bisi pulai ke menua kami ba Kampung Sapak Pantu, Sri aman laban ti ka sama berami ngintu Krismas begulai enggau bala kaban di rumah panjai. Pengerindu ke sekali tu ianya kami pulai ke rumah panjai ngena jalai ai laban sungai ti besai laban mayanya kemari musim ujan. Iya ti paling rindu mayanya kemari ianya bala anak laban sida ke jarang nepan perau nengah jalai ai. Kami pulai baru ke Sri Aman kena ke 27.12.2009 laban 28.12.2009, menyadi aku enggau sida sebilik ka pulai baru ke tanah Malaya. Tambah mega 29-13.12.2009, aku bisi pengawa ba sekula. Di baruh tu sekeda ari gambar kami sebala ti bisi diambi nepan perau nengah jalai ai.

Bala anak nadai berenggut nepan perau

Shannon ngeringgik laban kena pancar mata panas

Bala tengah begambar ba perau, James petungal aku tengah ngeluanka perau

Anak menyadi Matius tengah tusah ati nepan perau

Anak tuai aku tengah nandaka jari, nanda ka pengerindu maya pulai ke menua

Mangkuk Dunya(World Cup 2010), Sapa Menang ??

Nyadi kena ke 11 Jun 2010 pekit main bol berebutka Mangkuk Dunya ka dipenyadi ba Benua Afrika, ianya sebengkah ari 6 Benua di dunya tu. Menua ti dipilih nyadi tuai rumah ianya sebengkah menua ti di baruh map Afrika ianya Afrika Selatan. Nyadi undi kumpulan udah digaga kena ke 4.12.2009 tu tadi di Johahhesburg ianya indu negeri Afrika Selatan. Maya tu ila team tuai rumah ianya Afrika Selatan ka muka main ngelaban team menua Mexico ba Stadium Soccer City(Johannesburg), pukul 11.00 malam jam Malaysia. Main ke-2 ba Grop A ianya antara team Uruguay ngelaban team Peranchis di Stadium Green Point (Cape Town), pukul 3.30 pagi jam Malaysia.

Nyadi ari undi tu tadi bisi lapan grop ti udah ditentuka FIFA. Ari 8 grop ti udah diundi, grop ti dijangka grop "MAUT" ianya Kumpulan 7 laban dalam gropnya bisi menua Brazil, Portugal, Ivory Coast enggau Korea Utara. Nyadi ari 8 undi grop tu mayuh kitai udah ngaga taga ke diri empu, ni bagi team ti ulih masuk ngagai renggat ke-2. Arapka kitai ulih bekenang pasal main tu enti udah iya dibuka main ila.

Di baruh tu ianya undi kumpulan Piala Dunia Afrika Selatan 2010 ila;

Kumpulan A

1). Afrika Selatan

2). Mexico

3). Uruguay

4). Perancis

Kumpulan B

1). Argentina

2). Nigeria

3). Korea Selatan

4). Greece

Kumpulan C

1). England

2). Amerika syarikat

3). Algeria

4). Slovenia

Kumpulan D

1). Jerman

2). Australia

3). Serbia

3). Ghana

Kumpulan E

1). Belanda

2). Denmark

3). Jepun

4). Cameroon

Kumpulan F

1). Itali

2). Paraguay

3). New Zealand

4). Slovakia

Kumpulan G

1). Brazil

2). Korea Utara

3). Ivory Coast

4). Portugal

Kumpulan H

1). Sepanyol

2). Switzerland

3). Honduras

4). Chile

SELAMAT MENONTON !!!!

Kini Ke Anak Kitai ???. Peratika Anak Kitai Maya Pemisi Tu....

Ba kenang ke sekali tu aku deka bekenang sereta bejurai mimit enggau kita apai indai bansa kitai ti bisi macha ruai aku baka ti sekali tu. Nyadi kitai apai indai ti diau di rumah panjai ti nadai bisi bekal karan ke rumah panjai sigi nadai ulih macha jurai aku tu. Enggau tu aku arapka kita apai indai ti diau di negeri tau ngemanjaika iya ngagai bala kitai ti diau di rumah panjai.

Nyadi maya pemisi tu meh maya ti panjai alai bala apai indai begulai enggau anak sida. Enti di sekula ulah sereta perangai sida mayuh agi di perati ke bala pengajar, tang di rumah panjai tu meh maya kita ti apai indai berati ka bala anak kita sekalika di negeri tauka di rumah panjai. Keterubah aku ngenang bala anak kitai ti diau mendam enggau apai indai sida ti diau di negeri. Enti di negeri siti ari penanggul ti besai nuntung bala nembiak ianya kelaluka bejegau kiba kanan enggau bala kaban sida ti serambau belah pasar tauka tempat ti ulih alai sida ngelantangka ati. Pekara tu balat gi nyadi enti sida bisi kaki enggau bejegau(Kelebih agi Motosikal tauka kereta). Pengawa ti baka segau nadai tentu tunga tu meh ti tau ngujungka sida mayuh tepejuh ngagai jalai ti salah, kelebih agi baka ngirup, penyalah ngena dadah, salah pengulai antara nembiak lelaki enggau indu, enggau macham-macham penanggul bukai, kelebih agi baka kediatu cara pengidup nembiak lelaki enggau indu di menua kitai tu kelalu udah nitih ka chara pengidup bansa urang di menua ili din. Nyadi bekenangka pekara tu sama meh kitai apai indai ti diau di negeri besai beratika ulah anak kitai sekalika sida anak indu tauka lelaki, anang tentu ngelakka sida kelalu balat keluar kelebih agi maya malam ari, tanya pejalai penunga sida laban ke diatu kelalu mayuh sida ti selalu ngelalai tauka ngemulaka pejalai sida, kelebih agi bala anak kitai ti udah manggaika diri udah Pom 3 ke atas. Kebuah pia laban maya tu sida udah ngasaika diri nyau bujang enggau dara. Kemanah agi rambau pemisi tu anang tentu meh nyuruh anak kitai keluar malam kediri enggau bala kaban sida. Telebaka ari Mit sida selalu keluar siang tauka malam enggau kitai apai indai empu. Charatu ukai retinya ngungkung laban chara kitai ti bejako enggau sida ulih ngelembutka sida ari mit sampai ke sida besai. Baka kita apai indai ti sama-sama kereja siang, uji embihka masa kitai berandau, begulai, betundi sereta bebuti enggau anak kitai maya malam ari. Telebaka chara tu stat ari Mit sampaika sida nyau besai, awakka anak kitai ngasaika kita dampih enggau sida. Ari chukup intu kita, sereta disiplin sereta ajar pengarap ti chukup ngujungka sida nadai ninggalka pengirau kitai maya kitai apai indai ti sama-sama kereja maya siang ari. Nyadi pia ko kitai ti di negeri.

Kitai ti diau di menua tauka rumah panjai laban pengerindu nembiak kitai ti enda mayuh penyalah ti selalu dikereja sida ianya kelaluka beumba begulai ngirup kelebih agi maya pengerami di rumah panjai. Ari ti ngirup ngujungka nginsap sereta bekachauka orang maya rami, baka melah pinang tauka pengerami bukai. Nya ti patut di peratika kitai ti apai indai. Maya pemisi tu laban ti panjai, pia mega laban sukat pelajar sekula sida di sekula udah abis, nyadi nadai salah kita apai indai ngansak sereta ngajar bala anak kitai kereja di menua, baka nangkal getah, bekebun, mantun kebun tauka umai, sereta pengawa bukai ti tau meri perangsang sida ke sekula, enti sida ngasaika pemedis ngidupka diri sereta nupi sida di rumah panjai. Enda milih lelaki tauka indu sama anang belakka sida. Ukai semestinya kitai ngansak sida awakka pedis, tapi chara ti enda tentu ngandai sida tau muka runding sida. Kebuah pia laban aku kelia pen asal idup ari rumah panjai nemu bagi pengidupka bakanya. Intu sereta ajar ti chukup ngagai anak kitai di rumah panjai tau ngala ulah ti menyana ngagai sida.

Ke pengujung iya, sekalika pengidup kitai di rumah panjai tauka di negeri, urang kaya tauka urang merinsa, chara kitai merati, ngintu sereta ngajar anak kitai sepatutnya sama. Berkat ajar ti menyana ngagai anak kitai tau mai penyamai ngagai kitai apai indai. Simpul iya amai ko jako sekeda urang ti bisi penemu, enti anak lelaki pengelimpang pengidup sida ianya nginsap, ngirup ai bisa, salah ngena dadah, salah pegulai dalam group sida, sereta pengawa salah mit ti bukai. Bagi nembiak indu, penyalah besai sida kemaya ari tu ianya salah pengulai enggau lelaki, pengawa bukai jarang kitai ninga penyalah sida, amai pen iya sigi bisi nyadi. Nyadika pengujung iya sama meh kitai beratika pekara tu. Sama beajarka anak kitai sereta sama beratika anak kitai. Nyadi kenang tu ari penemu aku empu sereta ari batang kenang ti selalu di kerandau sereta diperatika aku sereta ari luah kitai apai indai empu. Enti bisi kelanjur ajar salah jaku aku minta ampun ari punjung pala sampai ke ujung kaki. Pia mega ngagai bala cerdik pandai kitai iban aku minta ampun engka tusun jaku tauka spil jaku iban aku ti bisi salah, laban aku ukai pengajar ti ngajar Bahasa Iban. Kenangtu semina ke batang kenang ukaika ngemalu sapa laban ari ketegal penyiru ngagai anak bansa diri sekalika kitai diau di negeri bepangkat sereta begaji besai tauka kitai diau di rumah panjai, pungka pengidup kitai sigi tetap sama. Laban pengidup kitai baka ai pasang diatu kitai nyamai, jemah kitai tau merinsa, diatu kitai tusah, bah jemah kitai tau bulih limpah tuah. Pengarap ti tinggi tau ngenjingka bansa kitai mansang nitihka bansa bukai......

TERIMA KASIH...

SERUMPU MAYA CUTI

Kena ka 06.12.2009 tu tadi bala menyadi aku ti kereja di Semenanjung bisi pulai ka menua sampai 28.12.2009 tu ila. Maya pulai tu tadi naka pengerami laban bala anak ti manchal enda ulih dilara. Sida pulai kena sama berami ngitu Krismas ti ka datai tu ila ba Menua Kami ti Kpg Sapak Pantu. Tu antara gambar Dinasti kami baka ke taun tu......