GAYA PUNGKA ANAK IBAN... !!!!

Sekali tu aku deka madahka siti budaya ti mengkang dikembuan kitai iban ari kelai sampai ke sari tu ianya pengawa bepantang tauka betatoo. Cuma kelia orang ngena main tatuk empu, kelebih agi ukir kelia selalu bemotifka pengidup kitai begulai enggau jelu, utai ti tumboh, jelu sereta motif bukai. Tang diatu motif pantang kitai iban nyau bisi motif moden baka bansa bukai mega. Tambah mega ke diatu mayuh perengka moden dikena baka mesin mantang ti canggih sereta mayuh macham gambar ti ulih digaga orang ti pandai ngukir tauka mantang orang. Baka orang bukai mega aku empu bisi pantang ba tuboh, motif ia sama baka orang ke diatu ianya motif iban enggau moden, pia mega mayuh bala kaban aku bisi pantang ba tuboh.
Kebaru tu udah, bisi kira-kira 8 iko bala kami bepantang ba siko nembiak kitai iban ti chukop pandai mantang orang ngena mesin, tang iya ti dikerindu aku ia chukop pandai mantang ikan. Pemandai ia mantang udah diasaika aku laban enti ukir sereta gambarnya dikelandikka ia enda ibuh diukir dulu bunga ia ngena kanvas, lalu dikereja iya enggau mesin terus. Nembiak tu berasal ari Lubok Antu dikanggauka orang Donny/Along tauka Mit. Iya tu ukai sepenuh masa mantang orang, tang ia mantang enti sema kitai booking dulu laban iya ti dikerindu ka iya ianya pengawa menua ianya ngasu beburu sereta berikan. Ka minta pantang iya kena booking sereta call dulu. Tau ga emel ngagai aku enti kita ka nanya pasal pengelandik nembiak tu mantang orang. Ok, terima kasih. Dibaruh tu bisi sekeda gambar pantang ia ti baru nyadi ba tuboh bala kami…. Gambar tu diambi lebuh ti baru udah bepantang... nya kebuah ia licin beminyak....  

Sebengkah ari corak ikan moden ti udah dipantang ba sepiak bau kiba..

 Kering kaban aku tu, ari pemayuh kami, ia aja ti berani ngerimba rusuk....Idup Iban....!!!

 Siti ari corak bunga terung iban dicampur enggau ukir iban enggau ukir moden ba bau kanan..