SAPA AKU, SAPA IYA TAUKA SAPA NUAN DALAM DUNYA TU……??

Selamat betemu baru bala pangan semua… Ke sekali tu aku ka bekenang enggau kita semua pasal siti cerita pasal ulah kitai mensia ti enggah kelia udah nyadi, kelebih agi ba bansa kitai empu. Perkara tu kala nyadi ba aku empu. Beketu ko cerita tu kaban….. Ba siti nengeri kitai tu kaban…aku kala tepeda ka bala kaban aku maya ti sekula suba benung kiruh enggau orang begaul ke semin maya ti ngaga rumah, betul ia rumah ti digaga sida ba nengeri nya ianya rumah kaban aku empu. Nyadi maya ti bejalai kia iya tekenyit tepeda ka aku lalu kasak-kasak kaban tadi baka ti deka ngelarika diri sereta ngelalaika diri. Aku asai ti ngelala ke enda meda iya laban ragum enggau sumit iya panjai amat. Enda nyamai ati tudah aku tadi, lalu nguji nanya iya, lalu nyebut nama iya. Nyau mirah mua tudah kaban tadi madahka  diri iya ngangau aku. Aku nguji nanya iya, nama hal iya baka ti enggai nanya aku, iya madah ngena leka jako tu;

“ Malu Son ka kita, nama ensaya kita udah kereja perintah, kami nama tu kerja kuli aja, peda pendiau aku tu nyau baka Aki orang….., ka nanya malu meh Son enggaika kita malu sereta enggau begulai enggau kami, kala aku meda nuan maya aku pulai ka Sri Aman, tapi malu ka nanya…. Aku kala betemu enggau bala kaban kitai kelia maya sekula, manah amat kereja sida bisi ti nyau bisi utai bepangkat besai, tekenyit aku Son lebuh ti berandau enggau sida baka ti enggai ngibuhka kitai, jako nyau lain amat…. Nya kebuah aku ngaga diri baka ti enda ngelala nuan tadi”, ko tudah iya ngemanjaika cerita iya. Nyadi utai ti baka tu tau amai dikerundingka kitai laban iya ti bansa tu udah lama amat udah nyadi. Aku udah nya lalu berandau manah enggau iya lalu mai iya ngirup ba kedai makai enda jauh ari nya. Udah nya mayuh meh cerita kami dua…

Nyadi belebuh ari nya aku lalu terunding, sigi amat meh pekara tu selalu ka nyadi ba pengidup kitai. Ba jurai tu bala kaban ba penemu aku, kitai patut nyaut dalam ati diri empu;

“ Sapa aku, iya tauka nuan?”… saut iya senang aja kaban….. “SAMA AJA KITAI “.

Nama kebuah saut iya tau bekenya…. Ketegal asal kitai sama, semua perengka tuboh chukup, mua mata chukup, tunjok jari kaki chukup, akal chukop…Cuma ti ngasuh kitai bebeda ianya pendiau pengidup ti enda sama diungkop ka Petara dalam dunya tu. Tapi pekara ti bansa tu enda lama kaban, sementara aja laban kitai semina nginjau dunya tu sementara aja baka orang ti ngendoh enda lama ba dampa maya ari ujan… Ambi ka banding dalam pengidup tu, kediatu kami tu diberi pengawa ti manah, kita lain…tapi anang irau ketegal ari peransang pendiau pengidup kita kediatu, kita tau ngatur pengidup bala anak kita, awakka tau mujor, mai pengelantang ngagai kita.. Baka kami tu enti enda mujor ngatur anak pen tau kebaruh.. laban dalam kitar pengidup kitai tu bisi maya kitai tau di atas, bisi maya tau kebaruh.

Nyadi baka asai aku empu ngagai kaban lama semua anang irau… tanya meh maya ti betemu, ukai ga madah aku tu manah, tapi enti kita ngelala aku enda ngira kita diau di menua, kereja perintah tauka kompeni, tanya aja. Udah kita berandau duduk nunga kopi ke makai mee ke baru kitai ulih nemu bulu pangan diri. Kebuah pia laban aku empu kelia endang asal ari rumah panjai, apai indai ukai kerja perintah, kala diau ba dampa, bemalam ba langkau kebun, mutung, nangkal, bumai sereta kerja bukai di menua. Engka pengidup aku diatu ulih beketu laban penyedar aku empu ketegal pedis agi biak kelia, lalu ngasuh belajar amat sereta lalu tulihka kerja baka ti diatu. Enda ga nyamai amat, ukai ga kaya, tang ulih ga enggau orang nyepi sesuap asi mimit….

Ukai ga semua sama, baka padi meh…bisi isi bisi ga antah. Bekenya meh dalam pendiau sereta ulah mensia. Amat ko cerita sekeda kaban, maya sekula manah tapi udah lepas ari nya nyau berubah amat amat pendiau ulah sereta peranggai ketegal ari arus pengidup baru ti diasai ka bala sida. Ba aku sama aja kitai kaban, enda ngira kita di menua, kereja perintah, kereja kompeni tau ka bekerja kediri empu, sama aja…. Aku enda nyangkung orang bukai. Kebuah pia laban ba taga aku empu kitai kelia kala begulai sejalai maya sekula, kunsi tanchut, kunsi selipar, kunsi duit, kunsi pemakai maya nya.. tanda nya kitai udah kala bekaban. Nadai pekara ti tau muai pangkat… “KABAN”.. kitai nya. Amat pen diatu kitai nyau enda sama pengidup, enda sama menua sereta enda sama kerja, tanggam rat jari maya kitai begulai suba tetap aku kingat, enda ngira sapa pangkat sereta darjat kita ko jako bansa kaban kitai.  Baka aku empu kadang-kadang enda tat ka agi ka pulai ke rumah panjai ka betemu enggau bala kaban di menua din, begulai ngerega pengawa enggau sida kena mantup pengingat sekula suba…. Engka bisi ka sekeda kitai kelia udah jauh berubah…jako nyau besai diatu…nyau milih bulu ko orang, biar aja meh nadai ko enggau. Cuma siti aja jako aku…baka jako dalam cerita LABU LABI….

” Tidak apalah Labu…ini hari engkau, esok hari aku…….”

Ketegal pengidup sereta pendiau bekenya antara pangan enggau kaban diri mayuh jako bansa kitai enggau orang bukai ti tau nyadi ka lalau kitai. Chunto; “ Madi perut jani…kaban perut ikan, bagai kacang lupa kulit”…. Nyadi uji berunding meh kitai…pengaya, pengeraja. Pangkat sereta darjat  ukai datai ari kitai, tang ari petara, enti kitai enda nemu ngena iya..mayuh chara petara tau ngambi ari kitai… Nadai guna ga duit bejuta, ruah besai sereta bereta, tapi budi basa ba pala patung….. ujung iya ila enda ga nya dibai kitai lebuh maya kitai nyau nadai. Ba tanah sama aja ga pemesai rumah kitai..”6 X 3 X 6 kaki”…. Chukop meh kitai nemu asal pendiau diri kelia.. anang kelia merinsa kelia, diatu lalu ka ngeluba ka diri…. Enti mayuh duit, intu meh bala anak dalam pengidup sereta kena jaga pendiau ruang bilik diri empu. Enda ibuh begasak ka iya kena ngukun mayuh reta tengkira, ngelumba orang sereta deka ngeninggika diri laban utai tu jemah nadai kini-kini…jemah enti kitai nyau kebaruh sama ga asai iya. Ngagai kaban ti diau di negeri, ingat meh kaban kitai ti diau nupi anak sida di menua. Enda ulih meh kitai nulong ngena mata duit, tapi tulong sereta sukong sida ngena basa ti sama, layan ti sama laban kelia kitai sama-sama kala begulai sekula. Sukong sida ngena ajar sereta jako peransang, ngica ka bala anak sida tau ngangkatka pendiau sida ulih nyepi penyamai baka keda kitai ti diau nengeri sereta bulih kereja ti manah. Anang munoh semengat sida kaban kitai enggau jako tinggi, sereta gaya pendiau ti tau ngelemi sereta ngerawan ka sida begulai enggau kitai. Ingat meh semua, ngagai bala kaban ti di menua tauka ti diau di negeri…..”SAPA AKU, SAPA NUAN tauka SAPA IYA”…Saut iya    “ SAMA AJA”…

UJI DUDUK ENDA LAMA MEH….BERUNDING DULU…

Apakah yang dimaksudkan dengan Registry dalam sistem Komputer...?

Salam kepada semua dan selamat bertemu kembali.....

Sejak akhir-akhir ini, saya ada menerima emel dari rakan kita berbangsa melayu yang menyarankan saya menulis artikel dalam bahasa melayu terutama yang berkitan dengan komputer. Baiklah, kali ini saya akan tuliskan dalam bahasa melayu. Dan salah satu yang mereka cadangkan ialah berkaitan dengan REGISTRY dalam Microsoft. Mereka mengatakan banyak perisian yang terdapat di pasaran atau diperolehi secara percuma dari internet seringkali berkaitan tentang maintanance, editing dan defrag dan clean Registry, pada hal mereka tidak mengetahui apakah maksud Registry itu sendiri. Ok di bawah saya akan terangkan apakah konsep dan pengertian setiap paras dalam Registry. Untuk melihat di mana kandungan paras setiap Registry ini, anda semua boleh Klik pada RUN, kamudian dalam ruangan tersebut taipkan : regedit dan tekan OK.

REGISTRY dalam komputer adalah satu kumpulan direktori, sama ada mengandungi subdirektori atau fail yang dinamakan kunci (key) dalam Microsoft. Untuk makluman semua paras paling atas dalam Registry ini bermula dengan rentetan HKEY dan semua fail yang terdapat di dalamnya mempunyai nilai yang hanya difahami oleh orang yang mahir dalam Operating Systems. Dalam Registry, terdapat 5 direktori paras atas iaitu;

Pertama:  HKEY_LOCAL_MACHINE: Ia mengandungi mesin dalam 5 subkunci iaitu;

1. HARDWARE: Menyimpan maklumat tentang perkakasan dan semua pemacu yang mengawal perkakasan tersebut

2. SAM(Security Account Manager) : Mengandungi maklumat berkaitan nama pengguna, kata kunci dan ahli sereta pelbagai ciri-ciri keselamatan yang ada).

3. SECURITY: Mengandungi maklumat keselamatan berkaitan komputer.

4. SOFTWARE : Mengandungi dan menyimpan berkaitan tentang perisian yang digunakan dalam komputer

5. SYSTEM : Menyimpan maklumat berkaitan tentang system dan proses Booting yang digunakan seperti senarai pemacu peranti yang digunakan apabila sistem dihidupkan.

Kedua: HKEY_USER : Menyimpan maklumat berkaitan profil bagi setiap pengguna sistem komputer. Semua maklumat berkaitan pengguna akan dimasukkan ke dalam ini, contohnya DesktopWallpaper yang digunakan.

Ketiga: HKEY_PERFOMANCE_DATA: Yang ini merupakan paras yang mengandungi beratus-ratus pembilang yang akan memantau prestasi keseluruhan sistem

Manakala tiga direktori di bawah merupakan simbolik pautan kepada direktori yang lain dalam Registry iaitu:

HKEY_CLASSES_ROOT: Menunjukkan kepada direktori yang mengendalikan objek COM( Component Object Model) yang melibatkan pautan antara fail dan aplikasi yang digunakan.

HKEY_CURRENT_CONFIG : Menujuk kepada pautan kepada konfigurasi perkakasan semasa yang digunakan.

HKEY_CURRENT_USER:  Merujuk kepada pengguna semasa yang menggunakan sistem

Selamat Membaca.....

Cara Disable Autorun dari USB Devices dan CD dalam Komputer anda.

Salam kepada semua…

Kita seringkali perasan bahawa setiap kali kita masukkan pelbagai USB component devices ke dalam Desktop atau pun Laptop sering kali timbul Autorun yang keluar pada komputer kita. Namun kita tidak perasan bahawa proses itu kadang kala akan menyebabkan proses pembiakan dan penyebaran virus dilakukan dalam komputer anda. Sebaik nya saya cadangkan dahulu, elok tekan butang CANCEL jangan OPEN. Bukalah melalui My Computer devices anda tersebut selepas di Scan menggunakan Antivirus. Namun demikian untuk mengelakkan masalah ini menjengkelkan mata anda sekalian, boleh juga gunakan cara di bawah untuk Disable proses Autorun tersebut. Ikutilah langkah di bawah;

Klik Start – Run. Selepas itu taipkan gpedit.msc dalam ruangan tersebut, tekan OK;
Anda akan dapat melihat bahawa tetingkap Group Policy akan dipaparkan;
Klik Computer Configuration - Administrative Templates - System
Pada ruangak panel sebelah kanan, anada akan melihat komponen  “Turn off Autoplay”
Klik dua kali di dalamnya dan set-kan ia kepada Enabled, dan tukarkan “Turn off Autoplay on” kepada All Drives.

 

Selamat mencuba.....

Cuci RAM Komputer anda kamudian dapatkan peningkatan dalam kelajuan komputer anda...

Baiklah cuci di sini bukan bermaksud anda buka komputer anda, cabut RAM dan cuci. Yang dimaksudkan di sini ialah menggunakan kaedah kongigurasi dalam sistem komputer. RAM(RANDOM ACCESS MEMORY)  atau dalam Bahasa Melayu bermaksud Ingatan Capaian Rawak. RAM penting secara asas pada pemikiran kita untuk dijadikan sebagai kuasa enijn untuk mencari maklumat yang kita hendaki dan buat apilkasi di dalam sistem komputer, sebab itu semakin besar RAM semakin cepat operasi komputer kita…Samalah macam cc enjin kereta ada 1.3, 1.8, 2.0, 2.5 dan banyak lagi..

Namun demikian jika sudah terlalu banyak fail yang di simpan dalam memory yang besar akan berlaku kesukaran untuk RAM aksess memorinya. Jadi menyebabkan ianya menjadi semakin perlahan proses komputer anda Maka buatlah clean up supaya kelajuannya akan meningkat sedikit. Caranya ialah menggunakan trik yang cukup mudah iaitu;

Buka Notepad dalam Accessories komputer anda kamudian taipkan: FreeMem=Space(512000000) jika RAM anda 512 mb, boleh edit atau tuliskan ikut berapa kemampuan RAM anda.

Kamudian simpan /  SAVE AS dengan nama fail: RAMcleaner.vbs. kamudian klik untuk Run. Anda akan mendapati ada peningkatan dalam kelajuannya. Jika anda tidak berapa arif tentang cara ini boleh juga gunaka perisian percuma yang boleh anda download dari internet..

Terima kasih dan selamat mencuba..

CHARA KENA MUKA FAIL LENYAU TAUKA KENA HIDDEN DALAM PENDRIVE.

Ucap selamat ngagai semua pemacha semua. Ke sekali tu aku deka chara mudah kena kita backup tauka meda baru fail kita dalam Pendrive ti bisi lenyau tauka kena hidden laban fungsi Super Hidden Virus dalam format .EXE tauka kena Shortcuts. Ba artikel ti dulu suba bisi aku madahka chara kena kita muka iya, tang ngagai ti baru kena penanggul tu tauka baru ngena komputer tebal agi sida enda nemu ngena charanya.

Nyadi ke sekali tu kita enda ibuh ngena notepad kena kita naip text lalu save ia ngena arahan files, kita semina perlu download aja software USB Show ari internet laban ia free version sereta ulih kena kita, penguntong ia ti manah fail kita ti penting sereta beguna ulih selamat ka kita. Ngagai bala kaban cikgu, polis tauka bala nembiak ti selalu kena penusah ti bansa tu, anang irau ati agi meh bala kaban.

Dibaruh tu lagi aku deka madahka ngagai bala kita chara ngena USB Show software tu. Mula sekali download dulu kita software tu ba adress tu:

http://www.brothersoft.com/usb-show-282161.html

Udah lepas kita embih download buka software tu, kita meda interface tu ayan;

1. Klik English kena kita nukar bahasa iya

2. Udahnya kita ka meda interface ba baruh tu. Udah lepasnya klik ba Recovery the hide files

3. Udah kita klik ba Recovery the hide files pansut interface ba baruh tu;4. Udah pansut, klik ba My Computer, pilih dini alah drive ti dikena Pendrive kita chunto ia baka di atas aku klik DATA FILES (D:). Enti pendrive kita ngena drive (E), (F), (G) tauka bukai klik dia mega. Klik Ok.

5. Udah lepas software tu recovery files kita iya mansutka interface dibaruh tu,

6. Klik Ok. Udah lepasnya kita tau close program tu. Udah lepasnya klik sereta buka pendrive kita. Kita deka meda fail sereta dokumen penting kita bisi ayan sereta dalam nya baru

* Senang sereta mudah kan !!!!!!. Selamat nguji Geng !!!!!*

CONGRATULATION ENGGAU JAKO TANGKAN NGAGAI BALA SEMUA......

Ok, ke diatu aku deka meri ucap selamat maju jaya ngagai bala ex-student online aku ti udah ngembihka pelajar sida ba bidang IT ari mayuh bengkah universiti di Malaysia tu ba taun tu tadi (2010). Kelebih agi ngagai bansa kita iban enggau dayak bukai ari Miri, Bintulu, Kuching, Serian, Kota Semarahan, Betong sereta Sri Aman tu empu. Enda ngira kita maya ba Universiti kelia ngena chara full time tauka off campus, tahniah semua.

Kelebih angi ngagai Lila Gik,Mark, Edward, Mike. Evelyn, Antoi, Inut, Lucy, Magdeline, Bricky, Tom, Jonhnny, Nancy sereta iya ke bukai ti enda ulih sebut ditu. Aku berasai besai ati laban kita ulih bulih excellent result ba your exam and your thesis. Manah !!!!, idup IBAN!!!!.

Ngagai sida tu aku ukai ngaga ke sida kerja sida, anang salah faham, tang aku ngena secara online bebincang sereta meri panduan (guideline) ngagai sida chara belajar, nyaut assignment sereta chara nyaut question dalam peresa, kelebih agi iya ti penting bantuan chara nyelesaikan thesis bekait enggau computer programming. Bisi sekeda temegah ati ka nambahka agi bayar, enda ibuh meh bala menyadi kaban semua laban umbas meh naka tulong aku ngelama tu. Pengaya pemeskin mensia ukai ba reta tengkira, tang dalam ati. Janji kerja lurus anang nipu orang sereta arapka petara udah chukop bagi aku. Kadang-kadang orang meda kitai ngena mayuh macham persepsi. Meda kita ngena utai sengapa, kumbai orang enchadi. Bisi meda kita kelalu begaya kumbai orang sumbong. Enti kita kelalu ngias diri sereta begaya kumbai orang ka masang ambai lalai. Sigi gaya ia meh nya. Janji nitihka dipadahka aku tadi ba aku empu prinsip aku "Biar aja muka sereta stail sepuloh sen, janji pengerai, penyenang ati sereta ruang bilik likun sereta chukop pemakai". Bisi ga enggai alah laban pemansang dunya sida ngena prinsip " Biar mati accident, anang mati action/aksen". Peda kuchik sida kaban kerus-kerus baka kitai ga sida, sempama jako cubit pa kiba pedis ga pa kanan. Perati ke meh maya kitai parai ditumbak ka orang jemah sama mesai nya ga tanah endur kitai, nadai ga bisi space ngagai reta kitai....

Aku bejako beketu laban maya ti chatting bisi ga sekeda bala kita ti sinu madah ngagai aku pasal perkara ti baka tu bisi nuntong kita kelebih agi sida ti baruka ngangkatka diri asal ari rumah panjai baka aku empu. Sigi rindu be-ajar pangan diri meh kaban sereta bala menyadi, taja kitai sama tuai tauka biak, tang pikir runding ti betul enda ngira umor. Sinu ga aku ninga sebana bala kita, laban ngasaika aku empu, mayuh utai ti dikorbanka laban deka nampung pelajar baru. Ba aku empu anang irau meh. Dunya tu bepusin, enti diatu kitai dibaruh, jemah bisi maya kitai di atas. Siti ti aku pesan anang lupa daratan ko jako kaban kitai. Mayuh ga cerita ti ngajar kitai tang laban ti munyi ko orang, manuk ka bepurih. Bisi sekeda ulah maya nembiak, maya bujang baka "Father" ko jako kitai, tang udah bekereja, beduit, sereta udah bebini belaki, beranak bebali angin perangai sida nyadi "Gorila". Mayuh bekenya kaban laki enggau bini bemain ka pangan diri. Ingat meh, enti umor udah tuai nadai lama da peluang diberi petara enggau kitai nyepi penyamai. Ujong ia ila munyi ko leka lagu Christoper Kely..." Nuan ka ngiga lebih nyau kena kerak asi, maya nuan agi biak nadai orang enda rindu, tang ila nuan tuai nya baru nuan nemu"

Ngagai bala ti bujang dara sigi adat bekelala keno ko orang, ngagai ti udah belaki bebini ngacha diri ketegal ngasuh laki sereta bini rindu ka kita meh.. "Ke bujang anang salah pegai..., iya ti udah nyadi indai anag salah semerai....,ti dara anang salah kelala...., ti udah nyadi apai anang salah tubai...". Reverse meh wai laban ulih asai aku, baka kereta bisi lampu reverse di belakang enti ngasai chelum dipeda. Taja pen kereta lama baka aku empu, enti di isi minyak cukup maintain bejalai meh iya taja pen begadai..

Terima kasih ngagai semua kita, sereta ngagai bala student ti ngambi bidang Computer Programming, bisi sekeda udah bisi offer ngaga software system enggau bayar beribu-ribu. Manahnya, aku empu pen bangga ga. Baka aku empu nadai tentu ari ngaga utai tu laban kiruh ba kerja aku empu. Enti sema kita beguna ka pandangan aku tau ga emel aku. Anang irau titihka aja proposol kita maya ba Universiti suba. Ka enda tentu ngemediska pala kita manah gi ngena Visual Basic, Access, Excell sereta format report bukai baka My SQL. Pengujong iya aku sereta kami sebilik minta ampun ngagai bala kita semua engka maya ti berandau sereta online disscusion aku bisi lubah mimit sereta lama maya kita bebincang. Kelanjur jako sereta kelanjur tundi, ukai sengaja wai, tundi ti mayuh…..

Ngagai bala ti bukai ngagai ka diatu aku pun taun tu belega mimit dulu ngaduka online study disscusion tu laban kelalu mayuh pengawa ti dikereja, taja pen mayuh bala nembiak tauka iya ti benung kereja minta aku neruska iya, minta ampun geng. Enti bisi maya aku muka baru, aku madah ila.

Ok Guy…..Good job and Good Luck !!!!, TQ.

"BEJALAI BEPANGGAUKA PENGINGAT, TINDUK BEPANGGALKA ADAT"

PENGINDAT ENGGAU BALA KABAN BAND BOYS MPS...

Ba berita ke sekali tu, aku ka bekenang ka cherita maya aku agi training ngajar ba Maktab Perguruan Sarawak Miri suba. Pengingat aku, maya kira ke Semester 3 kelia, aku udah nyadi siko ari Exco MGP ba maktab tu. Pengawa ti dipegai aku ianya Pengerusi Biro Sosial. Dalam megai pengawa tu mega siti ari bidang ti dipegai aku ianya nguruska semua persembahan kelebih agi bekait enggau bala bakal cikgu ti giat bemain muzik. Nama agi deh laban pengawa tu diminat maya ti agi sekula kelia, andal meh deh.

Ba maktab kelia, tudah aku aktif bemain band enggau bala bukai maya nya. Ia ti ngerinduka ati maya nya, setiap kali bisi majlis konvokesyen bisi aja bala kami bemain band ba hotel kena merindang bala pengajar ti abis trainning, kelebih agi ba Mega Hotel maya nya. Maya nya aku selalu bemain Rythm Gitar lalu bisi mega nebah nyawa belagu merindang orang. Udah abis maktab lalu maya agi bujang kelia aku selalu agi bemain drum sereta belagu mimit kelebih agi maya orang kawin. Ba maktab kelia mayuh bala pengajar ti minat ba pengawa ti baka tu. Siko pengajar ti udah mujur ba pengawa belagu tu udah ti lepas abis ari maktab MPS enggau kami kelia ianya kaban kami, Cikgu Lembat tauka nama glamour iya diatu ianya Embat La La. Kelia kami selalu bemain muzik ka kaban kami tu laban iya sigi minat belagu sereta betebahka muzik. Enti lebuh lemai ari tau tutup pending, laban bilik kami semina takah siti maya nya. Tahniah Embat laban udah mujur sereta ulih bisi kompeni ka diri empu. Baka aku empu udah nyau abis mood diatu, udah ti bisi beruang bilik enggau pengawa ti mayuh lalu nadai aktif enggau pengawa tu agi. Mina main gitar kapuk dalam bilik tinduk aja...kah...kah.... Kati gaya bala geng bukai, agi nyadi band boys kita????, Dison, Christoper, Samuel, Elvis enggau geng bukai.

Sekeda ari pengingat kami ti bisi bemain band ba Mega Hotel Miri suba. Cikgu Embat La La bisi belagu maya tu, lagu joget dibai iya. Betul Embat????. Maya tu mega agi ingat aku bisi belagu "Kau Ilhamku" enggau bepadu suara enggau Ramona Usop mai lagu "Baka Duku enggau Sarung"

NAMA TI DIKUMBAI VIRUS KOMPUTER ?

Nama ti dikumbai Virus komputer?. Virus komputer ulih ngerusak komputer ngena chara ngapuska software sereta ngachau operating system komputer. Virus tu baka sakit kitai mensia sereta senang bejangkit sereta ngerusakka fail kitai dalam komputer. Selalu ia virus komputer tu digaga dalam Bahasa Komputer baka ngena Bahasa Komputer baka C sereta C++ sereta Bahasa Penghimpun bukai. Computer Language tu siti ari tikala kami kena maya ti belajar Programming ba Universiti suba.

Diatu ngagai sekeda orang, virus komputer ulih digaga secara automatik ngena sekeda software ti dikumbai Enjin Virus, baka SMEG ti ulih ngaga function.EXE, .COM sereta .INI ti ngerusak ka software system. Diatu 3 iti format virus ti di atas tadi selalu dikena laban hampir semua software ngena jenis fail tu magang. Diatu mayuh jenis virus komputer, ambika chunto baka Virus fail TSR,ukai TSR, Virus Penukar, Virus Pelbagai Jangkit sereta jenis bukai. Chara iya bejangkit sereta ngachau mega nitih ka format ti gaga. Tapi pengerusak iya tetap sama ngagai fail dalam komputer kitai sereta mayuh fail ti udah kena jangkit rusak.

Kati kitai ka ngelaika komputer kitai kena jangkit komputer?. Komputer kitai enti nadai ngena Anti Virus sigi 100 % udah bisi virus dalam ia.Ukai setakat bisi Anti virus tang iya mestika diupdate sereta discan belama. Ambika banding baka penyakit kitai mensia, enti nasib kena demam biasa pama meh laban ulih makai panadol aja. Tapi enti penyakit mit dilak ka aja nadai diubat, ia ulih betambah teruk sereta tau ngujong mai nyawa. Bekenya konsep virus komputer tu, enti fungsi iya mit enti dikukun mayuh sereta nadai discan, bisi maya ila komputer kita tiba-tiba ngenyit KONG….. Kala kita ngasaika maya nyalin fail dalam harddisk komputer kita berenti,bebunyi sereta nadai ulih Boot baru?. Kala kita meda fail kita lenyau dalam dalam hard disk tauka pendrive?. Nya siti tanda nunjuk ka komputer kita udah kena virus. Nya baru tanda mimit, bisi maya iya ila iya baka BOM… komputer kita tiba-tiba berenti befungsi…. Aduh abislah !!!!. Ok, ba rengat ke sekali tu aku mantaika nama ti dikumbai orang virus sereta tanda kena ngelai ka ia dalam komputer kitai. Ba rengatka bukai ila aku ka nulis ditu pasal chara virus tu bejangkit sereta chara kena encegah iya. Terima Kasih.

PENGAWA MERI PERAIS NGAGAI NEMBIAK

Kena ka 24.02.tu tadi sekula kami bisi ngintu pengawa Meri Anugerah sereta Perais ngagai bala nembiak Form 1, 2 enggau 4 ti mujor dalam pelajar sida ba taun siti nyin kemari. Pengawa tu tadi diulu YB Mong Dagang ti bisi diundang datai meri perais ngagai bala nembiak kami di SMK Melugu ditu. Sekeda ari bala pemesai ti bisi datai mega ianya En. Kwang Law wakil PPD Sri Aman, En. Riji Gu, YDP PIBG, wakili ari sekula bukai sereta bala apai indai nembiak ti bisi dikangau ke lebuh maya tu tadi. Mayuh ga ketegori perais ti diberika ngagai bala nembiak mayau tu tadi sekali ke sida bisi bulih pemutus ti manah ba pelajar sereta pekit bukai maya ti ngari ka sekula, bahagian enggau negeri.

Sekeda bala nembiak sekula ti bisi ngajat nyambut penatai YB. Mong.

YB. Mong Dagang benung betabi jari enggau bala pengajar.

Sekeda bala pengajar ti benung bebaris nganti penatai bala VIP maya nya.

Pengerami Juntoi di Sri Aman.

Kena ka 17.02.2011 tu tadi kami sebilik bisi nurun ke pasar Sri Aman enggau bala mensia mayuh ngulu pengerami Chap Goh Mei tauka selalu dikumbai kami ditu Juntoi. Ba taun tadi pengawa tu jauh rami bebanding ari taun siti nyin kemari laban iya diintu lebih lama agi ari taun siti nyin kemari ditambah bisi mayuh orang bejual seminggu sebedau tu tadi. Ba pengawa tu tadi aku medan mayuh raban mensia datai ngulu pengerami tu nyengkaum iya ti datai ari genturung menua bukai baka Kuching, Betong, Serian sereta ari tempat bukai. Ba malam tu tadi mayuh kereta ti udah diiyas orang bebaris ba jalai. Pia mega ba ujung pengawa tu tadi baka taun ti bukai sida bemain bunga api. Ba runding aku manah ga pengawa tu digaga ba Pasar Sri Aman kena nambahka pemansang sereta penatai pemisi bala ba Sri Aman ditu. Di baruh tu sekeda ari gambar ti bisi diambi aku.

Pekit Sukan Tahunan Antara Rumah SMK Melugu 2011

Kena ka 14 - 19.2.2011 tu tadi sekula kami ba SMK Melugu bisi ngaduka pengawa Kejohanan Padang dan Balapan ke-41 ba sekula kami empu. Dalam pekit tu tadi bisi 6 iti rumah sukan bisi enggau ianya Rumah Perdana, Pesona, Exora, Wira, Waja enggau Arena. Pengawa tu diaduka kena milih nembiak ti deka ngarika sekula ba pekit ti ka dipetandingka ba peingkat antara sekula ba Daerah Sri Aman ti ka digaga kena ka bulan 3 tu ila. Ba pengerami tu tadi Rumah Perdana udah ulih nyadi Champion, lumor dua Rumah Pesona sereta lumor 3 ianya Rumah Arena.

Bala atlit Rumah Perdana tengah sedia ka bebaris maya tu tadi.

Cikgu Livis benong kiruh nyuruh nembiak sedia

Sekeda gambar nembiak belawa ti bisi diambi maya nya